ഹൂസ്റ്റണ്‍: ഇന്ത്യന്‍ നാഷണല്‍ കോണ്‍ഗ്രസിന്റെ നേതാവ്, കേരളാ പ്രദേശ് കോണ്‍ഗ്രസ് കമ്മിറ്റിയുടെ (കെപിസിസി) പ്രസിഡണ്ട് കെ.സുധാകരന് എംപി സ്വകാര്യ സന്ദര്‍ശനാര്‍ത്ഥം അമേരിക്കയില്‍ എത്തുന്നു. ജനുവരി 1 നു ചിക്കാഗോയില്‍ എത്തുന്ന കെ. സുധാകരന് കെപിസിസിയുടെ പ്രവാസി സംഘടനയായ ഓവര്‍സീസ് ഇന്ത്യന്‍ കള്‍ച്ചറല്‍ കോണ്‍ഗ്രസ് (ഒഐസിസി യൂഎസ്എ) യുടെ നേതൃത്വത്തില്‍ സ്വീകരണം നല്‍കും.
കക്ഷി രാഷ്ട്രീയ ഭേദമെന്യേ ഏവരെയും പങ്കെടുപ്പിച്ചു കൊണ്ടാണ് സ്വീകരണ സമ്മേളനം സംഘടിപ്പിക്കുന്നത്. രാവിലെ ചിക്കാഗോ അന്താരാഷ്ട്ര വിമാനത്താവളത്തില്‍ എത്തിച്ചേരുന്ന കെ.സുധാകരന് എംപിയെ വിവിധ സംഘടനാ,സാമൂഹ്യ, സാംസ്‌കാരിക നേതാക്കള്‍ തുടങ്ങിയവര്‍ സ്വീകരിക്കും. ജനുവരി 1 നു തിങ്കളാഴ്ച വൈകുന്നേരം 6 മണിക്ക് ചിക്കാഗോയില്‍ ഡെസ്പ്ലൈന്‍സിലുള്ള ക്‌നാനായ സെന്ററില്‍ വച്ചാണ് സ്വീകരണ സമ്മേളനം (1800 E Oakton St Des Plaines IL 60018)
ഓവര്‍സീസ് ഇന്ത്യന്‍ കള്‍ച്ചറല്‍ കോണ്‍ഗ്രസ് (ഒഐസിസി യൂഎസ്എ) യുടെ നേതൃത്വത്തില്‍ നടക്കുന്ന സമ്മേളനത്തിലേക്ക് കക്ഷി രാഷ്ട്രീയ ഭേദമെന്യേ ഏവരെയും സഹര്‍ഷം സ്വാഗതം ചെയ്യുന്നുവെന്ന് സംഘാടകര്‍ അറിയിച്ചു. സമ്മേളനത്തില്‍ ഒഐസിസി യൂഎസ്എ ചെയര്‍മാന്‍ ജെയിംസ് കൂടല്‍, പ്രസിഡണ്ട് ബേബി മണക്കുന്നേല്‍, ജനറല്‍ സെക്രട്ടറി ജീമോന്‍ റാന്നി തുടങ്ങിവരും മറ്റു സാമൂഹ്യ സാംസ്‌കാരിക സാമുദായിക രാഷ്ട്രീയ സംഘടനാ നേതാക്കളും സംബന്ധിയ്ക്കും.
ഏവരെയും സമ്മളനത്തിലേക്ക് സഹര്‍ഷം സ്വാഗതം ചെയ്യുന്നുവെന്ന് സംഘാടകര്‍ അറിയിച്ചു. കെ സുധാകരന് 16 വരെ അമേരിക്കയില്‍ ഉണ്ടായിരിയ്ക്കും.
കൂടുതല്‍ വിവരങ്ങള്‍ക്ക്
ഗ്ലാഡ്സണ്‍ വര്‍ഗീസ് (ഒഐസിസി നാഷണല്‍ വൈസ് പ്രസിഡണ്ട്) – 847 648 3300
ലൂയി ചിക്കാഗോ ( ചിക്കാഗോ ചാപ്റ്റര്‍ പ്രസിഡന്റ്) – 312 810 5275
സിനു പാലക്കാത്തടം (ചിക്കാഗോ ചാപ്റ്റര്‍ സെക്രട്ടറി ) – 847 529 4607
