![](https://www.nrireporter.com/wp-content/uploads/2023/10/canada-post1.jpg)
ടൊറന്റോ: കാനഡയുടെ പാര്ലമെന്റില് ഓണം ആഘോഷിച്ചതിന് പിന്നാലെ 67-ാമത് കേരളപ്പിറവി ഒന്റാരിയോ പ്രൊവിന്ഷ്യല് പാര്ലമെന്റില് ആഘോഷിക്കാനൊരുങ്ങുകയാണ് മലയാളികള്. ഇന്ഡോ-കാനഡ കേരള ചേംബര് ഓഫ് കൊമേഴ്സ് (ഐകെസിസി), ഇന്ഡോ കനേഡിയന് കൗണ്സില് ഫോര് ആര്ട്ട് ആന്ഡ് കള്ച്ചര് (ഐസിഎസി), ടൊറന്റോ മലയാളി സമാജം (ടിഎംഎസ്) എന്നിവര്ക്കൊപ്പം ഒന്റാരിയോയിലെ മറ്റ് നിരവധി മലയാളി അസോസിയേഷനുകളും ചേര്ന്നാണ് കേരളപ്പിറവി ആഘോഷിക്കാനൊരുങ്ങുന്നത്.
![](https://www.nrireporter.com/wp-content/uploads/2023/10/canada-onam.jpg)
2023 നവംബര് 1ന് രാവിലെ 11 മണിക്ക് ക്വീന്സ് പാര്ക്കില് വെച്ചാണ് ആഘോഷം. ഒന്റാരിയോ ചെറുകിട വ്യവസായ സഹമന്ത്രി നീന ടാഗ്രിയാണ് പരിപാടിയുടെ സ്പോണ്സര്. പരിപാടിയില് പങ്കെടുക്കാന് ആഗ്രഹിക്കുന്നവര് ഒക്ടോബര് 25 ബുധനാഴ്ചയ്ക്കകം on.keralapiravi@gmail.com എന്ന ഇ-മെയിലില് രജിസ്റ്റര് ചെയ്യേണ്ടതാണ്.
പങ്കെടുക്കാന് ആഗ്രഹിക്കുന്ന വ്യക്തികള് നിങ്ങളുടെ തിരിച്ചറിയല് കാര്ഡിലെ അതേ പേരില് തന്നെ രജിസ്റ്റര് ചെയ്യാന് ശ്രദ്ധിക്കേണ്ടതാണ്. ഓരോ അസോസിയേഷനില് നിന്നും 2 മുതല് 3 ആളുകള്ക്ക് വരെ പങ്കെടുക്കാവുന്നതാണ്. പരിപാടിയില് മൊത്തം എഴുപത്തഞ്ചോളം ആളുകള്ക്കാണ് പ്രവേശനാനുമതി.
കൂടുതല് വിവരങ്ങള്ക്ക് ടോമി കോക്കാട്ട്, (ഐകെസിസി പ്രസിഡന്റ്) – 647 892 7200, രാജേന്ദ്രന് തലപ്പത്ത് (ടിഎംഎസ് പ്രസിഡന്റ് ), 416 543 2830 , ബിജു ജോര്ജ്ജ് (ഐസിഎസി പ്രസിഡന്റ്) – 613 761 3219 എന്നിവരുമായി ബന്ധപ്പെടാവുന്നതാണ്.
Ontario MPPs to celebrate the Kerala Day on November 1