തൃശൂർ: സ്ലോവേനിയയിൽ നടക്കുന്ന ഈ വർഷത്തെ വേൾഡ് യൂണിവേഴ്സിറ്റി പവർലിഫ്റ്റിങ് ചാംപ്യൻഷിപ്പിൽ പങ്കെടുക്കുന്ന അജീഷയ്ക്ക് സഹായഹസ്തവുമായി പദ്മ ചാരിറ്റബിൾ ട്രസ്റ്റും യുഎസ്എ ഫ്രണ്ട്സ് ഹെൽപിങ് ഹാൻഡ്സും രംഗത്ത്. ഇരിഞ്ഞാലക്കുട സെൻ്റ് ജോസഫ് കോളജ് വിദ്യാർഥിനിയാണ് അജീഷ. ലോക ചാംപ്യൻഷിപ്പിൽ പങ്കെടുക്കാനായി തിരഞ്ഞെടുക്കപ്പെട്ട ഇന്ത്യൻ യൂണിവേഴ്സിറ്റി പവർലിഫ്റ്റിംഗ് ടീമിലേക്ക് യാത്രയാകുന്ന അജീഷയ്ക്കുള്ള സാമ്പത്തിക സഹായം പദ്മ ചാരിറ്റബിൾ ട്രസ്റ്റ് ചെയർമാൻ വിഷ്ണുവിൻ്റെ നേതൃത്വത്തിൽ നടന്ന ചടങ്ങിൽ കൈമാറി.
ഇരിഞ്ഞാലക്കുട സെൻ്റ് ജോസഫ് കോളജ് പ്രിൻസിപ്പൽ സിസ്റ്റർ ബ്ലെസി , ഫിസിക്കൽ എഡ്യുക്കേഷൻ ഡിപ്പാർട്ട്മെന്റ് തലവൻ സ്റ്റാലിൻ ,ഫിസിക്കൽ എഡ്യുക്കേഷൻ അസിസ്റ്റൻ്റ് പ്രഫസർ തുഷാര ഫിലിപ്പ്, നിഖിൽ, നിതിൻ എന്നിവരും പങ്കെടുത്തു.
Padma Charitable trust and Friends helping hands USA extend their helping hands to Ajisha
