![](https://www.nrireporter.com/wp-content/uploads/2023/09/us-temple.jpg)
ന്യൂജഴ്സി: രാജ്യത്തെ ഏറ്റവും വലിയ ഹിന്ദു ക്ഷേത്രം തുറക്കാനൊരുങ്ങി യുഎസ്. ന്യൂജഴ്സിയിലെ ടൈംസ് സ്ക്വയറിൽ നിന്ന് 90 കിലോമീറ്റർ തെക്കായി സ്ഥിതി ചെയ്യുന്ന പണിപൂർത്തിയായ ബിഎപിഎസ് സ്വാമിനാരായണ് അക്ഷർധാം ക്ഷേത്രം ഒക്ടോബര് എട്ടിനാണു തുറക്കുക.
![](https://www.nrireporter.com/wp-content/uploads/2023/09/image-47-1024x630.png)
ന്യൂജഴ്സിയിലെ റോബിന്സ്വില്ലെ ടൗണ്ഷിപ്പില് 183 ഏക്കറിൽ വ്യാപിച്ചുകിടക്കുന്ന ക്ഷേത്രസമുച്ചയം 12 വർഷം കൊണ്ടാണു നിർമിച്ചത്. യുഎസിൽനിന്നുള്ള 12,500 വൊളന്റിയർമാർ നിർമാണത്തിൽ പങ്കാളികളായി. ലോകത്തെ ഏറ്റവും വലുതും ഉയരും കൂടിയതുമായ ഹിന്ദു ക്ഷേത്രമായ കംബോഡിയയിലെ അങ്കോർ വാട്ടിനു പിന്നിൽ രണ്ടാം സ്ഥാനമാണ് ഈ ക്ഷേത്രത്തിന്. 100 ഏക്കറിലാണു ഡൽഹിയിലെ അക്ഷർധാം ക്ഷേത്രം.
![](https://www.nrireporter.com/wp-content/uploads/2023/09/image-48-1024x630.png)
![](https://www.nrireporter.com/wp-content/uploads/2023/09/image-49-1024x630.png)
ഇന്ത്യൻ സംസ്കാരത്തിന്റെ ചുവടുപിടിച്ചാണു ന്യൂജഴ്സിയിലെ ക്ഷേത്രം ഒരുക്കിയിട്ടുള്ളത്. ഇന്ത്യൻ സംഗീതോപകരണങ്ങൾ, നൃത്തരൂപങ്ങൾ, ദേവീദേവ രൂപങ്ങൾ എന്നിങ്ങനെ പതിനായിരത്തിലേറെ ശിൽപ്പങ്ങളും കൊത്തുപണികളും ക്ഷേത്രത്തിലുണ്ട്. പ്രധാന ശ്രീകോവിലിനു പുറമെ 12 ഉപശ്രീകോവിലുകളും 9 ഗോപുരങ്ങളും 9 പിരമിഡ് ഗോപുരങ്ങളുമാണു ക്ഷേത്രത്തിൽ വിസ്മയം തീർക്കുന്നത്.
![](https://www.nrireporter.com/wp-content/uploads/2023/09/image-50-1024x630.png)
![](https://www.nrireporter.com/wp-content/uploads/2023/09/image-51-1024x630.png)