കൊല്ലം: 16 വയസ്സുകാരിയെ തമിഴ്‌നാട്ടില്‍ കൊണ്ടുപോയി വിവാഹം ചെയ്ത സംഭവത്തില്‍ യുവാവിനെതിരെ പോക്‌സോ കേസി ചുമത്തി. കുളത്തുപ്പുഴ ആര്‍പിഎല്‍ മാലിദീപ് കോളനിയില്‍ സുജിത്തിനെയാണ് പോക്‌സോ കേസില്‍ പോലീസ് അറസ്റ്റ് ചെയ്തത്. സംഭവത്തില്‍ ചൈല്‍ഡ് ലൈനും കേസ് എടുത്തിട്ടുണ്ട്. 16 കാരിയും 22 കാരനായ സുജിത്തും കഴിഞ്ഞ മൂന്ന് വര്‍ഷമായി പ്രണയത്തിലായിരുന്നു.
സുജിത്തിനെ വിവാഹം കഴിക്കണമെന്ന് വീട്ടില്‍ ആവശ്യപ്പെട്ട പെണ്‍കുട്ടി വീട്ടുകാര്‍ എതിര്‍ത്തതിനെത്തുടര്‍ന്ന് കൈഞരമ്പ് മുറിച്ച് ആത്മഹത്യക്ക് ശ്രമിച്ചു. ഇതേത്തുടര്‍ന്ന് സുജിത്ത് ബന്ധുക്കളുടെ പിന്തുണയോടെ യുവാവ് തമിഴ്‌നാട്ടിലെ പുളിയറയില്‍ വെച്ച് വിവാഹം കഴിക്കുകയും താമസം തുടങ്ങുകയും ചെയ്യുകയായിരുന്നു. കേസില്‍ പ്രതിയെ റിമാന്‍ഡ് ചെയ്തു.
Tags:
