ഒക്ലഹോമ: ഒക്ലഹോമ സിറ്റിയിൽ ചൊവ്വാഴ്ച ഉച്ചതിരിഞ്ഞ് ചെറിയ വിമാനം തകർന്ന് നാല് പേർ മരിച്ചതായി പ്രാദേശിക അധികൃതർ അറിയിച്ചു. ഒക്ലഹോമ സിറ്റി ഫയർ ക്യാപ്റ്റൻ ജോൺ ചെനോവെത്ത് പറയുന്നതനുസരിച്ച്, നഗരത്തിൻ്റെ പ്രാന്തപ്രദേശത്തുള്ള ഒരു ചെറിയ വിമാനത്താവളമായ സൺഡാൻസ് എയർപോർട്ടിൽ ഉച്ചയ്ക്ക് 1.30 ഓടെയാണ് വിമാനം തകർന്നത്. അപകടത്തെക്കുറിച്ച് നാഷണൽ ട്രാൻസ്‌പോർട്ടേഷൻ സേഫ്റ്റി ബോർഡിനെയും ഫെഡറൽ ഏവിയേഷൻ അഡ്മിനിസ്‌ട്രേഷനെയും അറിയിച്ചിട്ടുണ്ടെന്നും അദ്ദേഹം പറഞ്ഞു.
സൺഡാൻസ് എയർപോർട്ടിന് സമീപമുള്ള നോർത്ത് സാറാ റോഡിലെ 13000 ബ്ലോക്കിലാണ് അപകടം റിപ്പോർട്ട് ചെയ്തതെന്ന് ഒക്ലഹോമ സിറ്റി പൊലീസും അഗ്നിശമന സേന ഉദ്യോഗസ്ഥരും പറഞ്ഞു.
വിമാനത്തിലുണ്ടായിരുന്ന നാല് പേർ മരിച്ചതായി അഗ്നിശമന സേനാ ഉദ്യോഗസ്ഥർ സ്ഥിരീകരിച്ചു. കൊല്ലപ്പെട്ടവരെക്കുറിച്ചുള്ള വിവരങ്ങൾ പുറത്തുവിട്ടിട്ടില്ല. തകരുന്നതിന് മുമ്പ് വിമാനം പറന്നുയർന്നതാകാമെന്നാണ് പ്രാഥമിക സൂചന. എന്നാൽ സംഭവത്തെക്കുറിച്ച് അന്വേഷണം പുരോഗമിക്കുകയാണ്.
റൺവേയിൽ നിന്ന് 100-200 മീറ്റർ അകലെ എയർഫീൽഡിൻ്റെ കിഴക്ക് ഭാഗത്തുള്ള വനപ്രദേശത്താണ് വിമാനം തകർന്നു വീണത്. ഒക്ലഹോമ സിറ്റി ഫയർ ആൻഡ് പൊലീസ് ഡിപ്പാർട്ട്‌മെൻ്റുകളിൽ നിന്നുള്ള നിരവധി ജീവനക്കാരും ഇഎംഎസ്എ പാരാമെഡിക്കുകളും സംഭവസ്ഥലത്ത് എത്തിച്ചേർന്നു
