ദമാസ്‌കസ്: ദമാസ്‌കസിന് തെക്ക് ഹിസ്ബുള്ളയുടെ ശക്തികേന്ദ്രത്തില്‍ ഇസ്രായേല്‍ നടത്തിയ ആക്രമണത്തില്‍ ഒരു കമാന്‍ഡര്‍ കൊല്ലപ്പെട്ടതായി റിപ്പോര്‍ട്ട്. ആക്രമണത്തില്‍ മറ്റ് എട്ടുപേര്‍ക്കൂടി കൊല്ലപ്പെട്ടിട്ടുണ്ട്. മരിച്ചവരില്‍ ഒരാള്‍ സിറിയയിലെ ഇറാന്‍ പിന്തുണയുള്ള ഹിസ്ബുള്ള ഗ്രൂപ്പിന്റെ ലെബനീസ് കമാന്‍ഡറാണെന്ന് സിറിയന്‍ ഒബ്‌സര്‍വേറ്ററി ഫോര്‍ ഹ്യൂമന്‍ റൈറ്റ്‌സ് സ്ഥിരീകരിച്ചു.
സിറിയയില്‍ സജീവമായിരുന്ന കമാന്‍ഡറായിരുന്നു കൊല്ലപ്പെട്ടതെന്നും ഇയാള്‍ക്ക് ലെബനന്‍ പൗരത്വം ഉണ്ടായിരുന്നുവെന്നും റിപ്പോര്‍ട്ടുണ്ട്. എന്നാല്‍ കൊല്ലപ്പെട്ട ആളുടെ പേരോ മറ്റ് വിവരങ്ങളോ ഇതുവരെ അറിവായിട്ടില്ല.
സെപ്തംബര്‍ 23 ന് ലെബനനിലെ ഹിസ്ബുള്ളയുമായുള്ള സമ്പൂര്‍ണ യുദ്ധം പൊട്ടിപ്പുറപ്പെട്ടതിന് ശേഷം ഇസ്രായേല്‍ സിറിയയില്‍ ആക്രമണം വര്‍ധിപ്പിച്ചിരിക്കുകയാണ്.
