ചിക്കാഗോ: ചിക്കാഗോ സെന്റ് മേരീസ് ക്നാനായ കത്തോലിക്കാ ഇടവകയിൽ ചെറുപുഷ്പ മിഷൻ ലീഗിന്റെ ആഭിമുഖ്യത്തിൽ ക്വിസ് മത്സരം സംഘടിപ്പിച്ചു. ചെറുപുഷ്പ മിഷൻ ലീഗിന്റെ ഇടവകയിലെ കഴിഞ്ഞ ഒരു വർഷത്തെ വിപുലമായ പ്രവർത്തനങ്ങളുടെ സമാപനം കുറിച്ചുകൊണ്ട് നടത്തിയ ക്വിസ് മത്സരത്തിൽ 12 ടീമുകളാണ് പങ്കെടുത്തത്.
മൂന്നു റൗണ്ടുകളായി നടന്ന ഫൈനൽ മത്സരത്തിൽ സാന്ദ്ര കുന്നശ്ശേരിൽ, ജോസഫ് മാപ്ളേറ്റ്, ഐസക്ക് മാറ്റത്തിൽ എന്നിവർ ഉൾപ്പെട്ട സി.എം.എൽ സെന്റ് മേരീസ് ഗ്രൂപ്പ് ഒന്നാം സമ്മാനം കരസ്ഥമാക്കി. ആൻഡ്രൂ തേക്കുംകാട്ടിൽ, ഡാനി വളത്താട്ട്, നേഥൻ പള്ളിയാരുതുണ്ടത്തിൽ എന്നിവർ അടങ്ങിയ സി എം എൽ സെന്റ് സ്റ്റീഫൻസ് ഗ്രൂപ്പ് രണ്ടാം സ്ഥാനം നേടി. എൽവിയ ചേലമലയിൽ, മേഗൻ മണിയാട്ടെൽ, ജെന്നിഫർ കൊച്ചികുന്നേൽ എന്നിവർ അടങ്ങിയ സി എം എൽ മദർ തെരേസാ ഗ്രൂപ്പാണ് മൂന്നാം സ്ഥാനം നേടിയത്.
മത്സര വിജയികൾക്ക് പുറമെ, തുടർച്ചയായ 29 ആഴ്ചകളായി സുവിശേഷം പകർത്തിയെഴുതി ഇടവകയിൽ സമർപ്പിച്ച സി എം എൽ അംഗങ്ങൾക്കും, ഏറ്റവും മനോഹരമായി സുവിശേഷത്തിന്റെ പകർത്തിയെഴുത്ത് പൂർത്തീകരിച്ച ജെന്നിഫർ കൊച്ചുകുന്നേലിനും പുരസ്കാരങ്ങൾ സമ്മാനിച്ചു. സുവിശേഷ പകർത്തിയെഴുത്തിൽ ഏറ്റവും മികച്ച പങ്കാളിത്തം കാഴ്ചവെച്ച സെന്റ് മേരീസ് ഗ്രൂപ്പിന്റെ കോർഡിനേറ്റേഴ്‌സ് സിജി മ്യാലിൽ, ലിയാ കുന്നശ്ശേരി എന്നിവരെയും സമ്മാനങ്ങൾ നൽകി ആദരിച്ചു.
ഇടവകയിലെ ഏറ്റവും സജീവമായ മിനിസ്ട്രിയായി കഴിഞ്ഞ ഒരു വർഷക്കാലമായി മികച്ച പ്രവർത്തനങ്ങൾ കാഴ്ചവെച്ച എല്ലാ സി എം എൽ അംഗങ്ങളെയും അവർക്ക് പിന്തുണ നല്‍കുന്ന മാതാപിതാക്കളെയും, മിനിസ്ട്രിക്ക് വേണ്ടി നിസ്വാർത്ഥമായ സേവനം നൽകുന്ന സി എം എൽ കോർഡിനേറ്റേഴ്‌സിനെയും അഭിനന്ദിക്കുന്നതായി വികാരി ഫാ.സിജു മുടക്കോടിൽ പറഞ്ഞു. സി എം എൽ ഡയറക്ടർ ജോജോ അനാലിൽ, മതബോധന സ്‌കൂൾ പ്രിൻസിപ്പാൾ സജി പുതൃക്കയിൽ, അസി.വികാരി ഫാ.ജോഷി വലിയവീട്ടിൽ, വിസിറ്റേഷൻ കോൺവെന്റിലെ സിസ്റ്റേഴ്സ്, സമയ തേക്കുംകാട്ടിൽ, ആനീസ് മണ്ണൂക്കുന്നേൽ, ജ്യോതി ആലപ്പാട്ട്, ബിബി നെടുംതുരുത്തിപുത്തൻപുരയിൽ, ബെറ്റ്സി മാപ്ളേട്ട്, സൂര്യ കരികുളം, ബിനു ഇടകര, ജിനോ പൂത്തുറയിൽ എന്നിവർ നേതൃത്വം നൽകി. ക്രിസ് കട്ടപ്പുറം, ധന്യ എന്നിവർ എം.സി മാരായി മത്സരം നിയന്ത്രിച്ചു. അലക്സ് ചക്കാലക്കൽ, മജോ കുന്നശ്ശേരിൽ, അനിൽ മറ്റത്തികുന്നേൽ, ഡൊമിനിക്ക് ചൊള്ളമ്പേൽ എന്നിവർ സാങ്കേതിക – പശ്ചാത്തല സഹായങ്ങൾ നൽകി. കൈക്കാരന്മാരായ സാബു കട്ടപ്പുറം, ലൂക്കോസ് പൂഴിക്കുന്നേൽ, ജോർജ്ജ് മറ്റത്തിൽപറമ്പിൽ, ബിനു പൂത്തുറയിൽ, നിബിൻ വെട്ടിക്കാട്ടിൽ എന്നിവർ മത്സരങ്ങളുടെ ക്രമീകരണങ്ങൾക്ക് നേതൃത്വം നൽകി.
വാര്‍ത്ത – അനിൽ മറ്റത്തിക്കുന്നേൽ
