മുംബൈ: ബോളിവുഡ് നടൻ ഗോവിന്ദ ഇടവേളക്ക് ശേഷം വീണ്ടും രാഷ്ട്രീയത്തിലേക്ക്. ഗോവിന്ദ ശിവസേന ഷിൻഡേ വിഭാഗത്തിൽ ചേർന്നു. ഏക്നാഥ്‌ ഷിൻഡേ പാർട്ടി പതാക നൽകിയാണ് താരത്തെ പാർട്ടിയിലേക്ക് സ്വീകരിച്ചത്. ഏക്നാഥ്‌ ഷിൻഡേയ്ക്ക് ഒപ്പമെത്തിയാണ് ഗോവിന്ദ പാർട്ടി ഓഫീസിൽ ചേർന്നത്. നിരവധി പാർട്ടി നേതാക്കൾ സാക്ഷ്യം വഹിച്ചു.
2004ലാണ് ഗോവിന്ദ രാഷ്ട്രീയത്തിലേക്ക് ആദ്യമായി എത്തുന്നത്. 2004ൽ കോൺഗ്രസ് ടിക്കറ്റിലാണ് ഗോവിന്ദ മത്സരിച്ചത്. അന്ന് മുംബൈ നോർത്ത് സീറ്റിൽ മുതിർന്ന ബിജെപി നേതാവ് രാം നായിക്കിനെ പരാജയപ്പെ‌ടുത്താനും താരത്തിന് സാധിച്ചു. ഇപ്പോൾ ലോക്സഭ തെരഞ്ഞെ‌ടുപ്പിൽ മത്സരിക്കാൻ ഒരുങ്ങുകയാണ് ഗോവിന്ദ. മുംബൈ നോർത്ത് വെസ്റ്റ് സീറ്റ് താരത്തിന് വാഗ്ദാനം ചെയ്തിട്ടുണ്ടെന്നാണ് വിവരം. കോൺഗ്രസിൽ നിന്ന് പിന്നീട് അകന്ന ഗോവിന്ദ 2009ൽ മത്സരിക്കേണ്ട എന്ന തീരുമാനിക്കുകയായിരുന്നു.
actor govinda joined eknath shinde party
