കൊച്ചി: ശരീരത്തിലൊളിപ്പിച്ച് സ്വര്‍ണം കടത്താന്‍ ശ്രമിച്ച എയര്‍ ഹോസ്റ്റസ് പിടിയില്‍. കൊല്‍ക്കത്ത സ്വദേശിയായ സുരഭി ഖത്തൂണ്‍ ആണ് ചൊവ്വാഴ്ച കണ്ണൂര്‍ അന്താരാഷ്ട്ര വിമാനത്താവളത്തില്‍ റവന്യൂ ഇന്റലിജന്‍സ് ഡയറക്ടറേറ്റിന്റെ പിടിയിലായത്. മസ്‌കത്തില്‍നിന്ന്‌ എയര്‍ഇന്ത്യ എക്‌സ്പ്രസിന്റെ ഐ.എക്‌സ്. 714 വിമാനത്തിലാണ്‌ ഇവർ എത്തിയത്. 960 ഗ്രാം സ്വര്‍ണ്ണമാണ് ഇവരിൽ നിന്ന് പിടിച്ചെടുത്തത്.
ഇവരെ 14 ദിവസത്തേക്ക് റിമാന്‍ഡ് ചെയ്ത സുരഭിയെ കണ്ണൂര്‍ വനിതാ ജയിലിലേക്ക് മാറ്റി. മുമ്പ് പലതവണ ഇവര്‍ സ്വര്‍ണ്ണം കടത്തിയതായി ഇവർ അന്വേഷണ സംഘത്തോട് സമ്മതിച്ചു. സ്വര്‍ണ്ണക്കടത്തില്‍ കേരളത്തില്‍നിന്നുള്ളവരുടെ പങ്ക് അന്വേഷിക്കുമെന്നും അന്വേഷണ സംഘം അറിയിച്ചു.
air hostess arrested for gold smuggling
