കോപ്പ അമേരിക്കയിൽ പെറുവിനെതിരെ ലയണൽ മെസി ഇല്ലാതിരിന്നിട്ടും അർജന്റീനയ്ക്ക് 2 – 0 ത്തിന്റെ മിന്നും ജയം. ഇന്നത്തെ മത്സരത്തിലും താരമായത് ലട്ടാരോ മാർട്ടിനെസ് തന്നെ ആണ്. ഇരട്ട ഗോളുകൾ നേടി അർജന്റീനയുടെ ടോപ് സ്കോറർ ആയി മാർട്ടിനസ്. ജയിച്ചാലും തോറ്റാലും ക്വാട്ടർ ഫൈനൽ ഉറപ്പിച്ചിരുന്നത് കൊണ്ട് തന്നെ ടീം ടെൻഷൻ ഇല്ലാതെ ആണ് കളിച്ചത്.
തുടക്കം മുതലേ അറ്റാക്ക് ചെയ്യ്തായിരുന്നു അര്ജന്റീന കളിച്ചത്. കളിയുടെ 75 ശതമാനം പൊസഷനും ഇവരുടെ കൈയിൽ ആയിരുന്നു. കളിയുടെ ആദ്യ പകുതിയിൽ ഇരു ടീമുകളും ഗോളുകൾ ഒന്നും തന്നെ നേടിയിരുന്നില്ല. രണ്ടാം പകുതിയുടെ തുടക്കത്തിൽ തന്നെ മാർട്ടിനെസ് ഡി മരിയയുടെ സഹായത്തോടെ പെറുവിന്റെ വലയിൽ പന്ത് കയറ്റി. ലയണൽ മെസിയെ സാക്ഷി നിർത്തിയായിരുന്നു മാർട്ടിനെസ് തന്റെ രണ്ട് ഗോളുകളും നേടിയത്.
