ന്യൂഡൽഹി: യുഎപിഎ കേസ് ചുമത്തി ന്യൂസ് ക്ലിക്ക് സ്ഥാപകനും എഡിറ്റർ ഇൻ ചീഫുമായ പ്രബീർ പുരകായസ്തയെ അറസ്റ്റ് ചെയ്ത നടപടി നിയമവിരുദ്ധമാണെന്നും പുരകായസ്തയെ ഉടൻ മോചിപ്പിക്കണമെന്നും സുപ്രീം കോടതി. ജസ്റ്റിസ് ബി.ആര്.ഗവായ്, സന്ദീപ് മേത്ത എന്നിവരടങ്ങിയ ബെഞ്ചിന്റേതാണ് ഉത്തരവ്.
കഴിഞ്ഞ വർഷം ഒക്ടോബർ 4 ന് റിമാൻഡ് ഉത്തരവ് പുറപ്പെടുവിക്കുന്നതിന് മുമ്പ് റിമാൻഡ് അപേക്ഷയുടെ കോപ്പി പ്രബീർ പുരകായയസ്തയ്ക്കോ അദ്ദേഹത്തിന്റെ അഭിഭാഷകനോ നല്കിയിരുന്നില്ല. ഇത് സ്വാഭാവിക നീതിയുടെ നിഷേധമാണ്. അറസ്റ്റ് നടപടികളിലെ ഡൽഹി പൊലീസിന്റെ വീഴ്ച ചൂണ്ടിക്കാട്ടിയാണ് കോടതി നടപടി. കഴിഞ്ഞ ഒക്ടോബർ രണ്ടിനാണ് പുരകായസ്തയെ അറസ്റ്റ് ചെയ്തത്.