ന്യൂഡൽഹി: കഴിഞ്ഞ മാസം ഇന്ത്യാ ബ്ലോക്കിൻ്റെ റാലികളിൽ തീപാറുന്ന പ്രസംഗങ്ങളുമായി രാഷ്ട്രീയ യുദ്ധക്കളത്തിലേക്ക് കടന്ന ഡൽഹി മുഖ്യമന്ത്രി അരവിന്ദ് കെജ്‌രിവാളിൻ്റെ ഭാര്യ സുനിത കെജ്രിവാൾ ഇനി ഡൽഹിയിലും മറ്റ് സംസ്ഥാനങ്ങളിലും ആം ആദ്മി പാർട്ടിയുടെ (എഎപി) പ്രചാരണത്തിന് നേതൃത്വം നൽകും.
ആം ആദ്മി പാർട്ടിയുടെ ഈസ്റ്റ് ഡൽഹി സ്ഥാനാർത്ഥി കുൽദീപ് കുമാറിനെ പിന്തുണച്ച് സുനിത കെജ്രിവാൾ ഇന്ന് ദേശീയ തലസ്ഥാനത്ത് മെഗാ റോഡ്‌ഷോ നടത്തും.
“അരവിന്ദ് കെജ്‌രിവാളിൻ്റെ അറസ്റ്റിൽ പ്രതിഷേധിച്ച്, അദ്ദേഹത്തിൻ്റെ ഭാര്യ സുനിത കെജ്രിവാൾ അദ്ദേഹത്തിന് അനുഗ്രഹം തേടാനും എഎപി സ്ഥാനാർത്ഥികൾക്കായി വോട്ട് തേടാനും പ്രചാരണം നടത്തും. ഡൽഹി, പഞ്ചാബ്, ഗുജറാത്ത്, ഹരിയാന എന്നിവിടങ്ങളിലെ ജനങ്ങളിൽ നിന്ന് അനുഗ്രഹം തേടും,” ഡൽഹി മന്ത്രി അതിഷി ഇന്നലെ പ്രഖ്യാപിച്ചു.
അരവിന്ദ് കെജ്രിവാളിനെ അറസ്റ്റ് ചെയ്ത ശേഷം ആം ആദ്മി പാർട്ടിയുടെ പ്രചാരണത്തിന് നേതൃത്വം നൽകാൻ ആദ്യമായാണ് സുനിത കെജ്രിവാൾ എത്തുന്നത്. മന്ത്രിമാർക്കും പൊതുജനങ്ങൾക്കുമുള്ള അരവിന്ദ് കെജ്രിവാളിന്റെ സന്ദേശങ്ങൾ കൈമാറാനാണ് സുനിത ഇതുവരെ എത്തിയത്. കോൺഗ്രസ് സഖ്യത്തിൽ ഡൽഹിയിൽ നാലു സീറ്റുകളിലാണ് ‘ആപ്’ മത്സരിക്കുന്നത്.
