ഇസ്ലാമബാദ്: വിവാഹ സംഘം സഞ്ചരിച്ച ബസ് സിന്ധു നദിയിലേക്ക് മറിഞ്ഞ് പാകിസ്ഥാനില്‍ വധൂവരന്മാരടക്കം 26 പേര്‍ മരിച്ചു. ഗില്‍ജിത് -ബാള്‍ട്ടിസ്താന്‍ പ്രവിശ്യയിലെ ദിയാമെര്‍ ജില്ലയിയാണ് സംഭവം.
ഗില്‍ജിത് -ബാള്‍ട്ടിസ്താനിലെ അസ്‌തോറില്‍നിന്ന് പഞ്ചാബിലെ ചക്വാലിലേക്ക് പോകുകയായിരുന്നു സംഘം. അപകടത്തില്‍ ഒരാള്‍ രക്ഷപ്പെട്ടു. ബസ് അമിത വേഗത്തിലായിരുന്നുവെന്നാണ് റിപ്പോര്‍ട്ട്. വധു ആശുപത്രിയിൽ വെച്ചാണ് മരിച്ചത്. 13 പേരുടെ മൃതദേഹമാണ് നദിയില്‍നിന്ന് കണ്ടെടുത്തത്. ബാക്കിയുള്ളവര്‍ക്കായി തിരച്ചില്‍ തുടരുന്നു എന്നാണ് റിപ്പോർട്ടുകൾ പറയുന്നത്.
