ജോമോൻ ജോയ്
ബെൽവിൽ (ഒന്റാറിയോ, കാനഡ): സെൻറ് കുര്യാക്കോസ് സിറോ മലബാർ പള്ളിയിലെ സംയുക്ത തിരുനാൾ ആഘോഷം ഓഗസ്റ്റ് 16 മുതൽ 18 വരെ ആചരിക്കുന്നു. ഓഗസ്റ്റ് 16 വെള്ളിയാഴ്ച വൈകിട്ട് ഏഴുമണിക്ക് വികാരി ഫാ. ജോണി കുന്നത്ത് കൊടിയേറ്റുന്നു. തുടർന്ന് പൂർവികരുടെ അനുസ്മരണം, വിശുദ്ധ കുർബാന, ആരാധന എന്നിവ ഉണ്ടായിരിക്കും. രണ്ടാം തിരുനാൾ ദിനമായ ഓഗസ്റ്റ് 17 ശനിയാഴ്ച രാവിലെ മുതൽ ഇടവക മുഴുവനും ചേർന്നുള്ള തിരുനാൾ ഒരുക്കങ്ങൾ നടത്തുകയും വൈകിട്ട് ഏഴുമണിക്ക് കുർബാനയും രൂപം വെഞ്ചിരിപ്പും ഉണ്ടായിരിക്കും.
പ്രധാന തിരുനാൾ ദിനമായ ഓഗസ്റ്റ് 18 ഞായറാഴ്ച വൈകിട്ട് 5 മണിക്ക് പ്രസുദേന്തി വാഴ്ചയോടുകൂടി തിരുകർമ്മങ്ങൾക്ക് തുടക്കം ആവുകയും റവ. ഫാദർ ബൈജു ചാക്കേരിയുടെ മുഖ്യ കാർമികത്വത്തിൽ ആഘോഷമായ തിരുനാൾ സമൂഹബലിയും പ്രദക്ഷിണവും നേർച്ച ഭക്ഷണവും ഉണ്ടായിരിക്കും.
പെരുന്നാളിനോടനുബന്ധിച്ച് സി കെ ബീറ്റ്‌സ് ചാത്തം നയിക്കുന്ന ശിങ്കാരിമേളം, ഓഷോവ ഓവൻ ഫ്രഷ് ഒരുക്കുന്ന പ്രത്യേക ലൈവ് തട്ടുകട, തുടർന്ന് ഇൻഫിനിറ്റി ടൊറന്റോ അവതരിപ്പിക്കുന്ന ഗാനമേള എന്നിവ ഉണ്ടായിരിക്കും.
AI തിരുനാൾ Promo video –https://www.facebook.com/reel/1540046476918632
Belleville St Kuriakose Chavara Church Feast
