വാഷിങ്ടൺ: ഭരണത്തിന്റെ അവസാന നാളുകളിൽ ക്യാൻസർ മരണങ്ങൾ കുറയ്ക്കുന്നത് ലക്ഷ്യമിട്ടുള്ള മൂൺഷോട്ട് പദ്ധതി പ്രോത്സാഹിപ്പിക്കുന്നതിനായി പ്രസിഡന്റ് ജോ ബൈഡൻ ന്യൂ ഓർലിയൻസ് സന്ദർശിക്കും. പ്രസിഡൻ്റും പ്രഥമ വനിത ജിൽ ബൈഡനും മെഡിക്കൽ സൗകര്യങ്ങൾ സന്ദർശിക്കും. തുടർന്ന് അഡ്വാൻസ്ഡ് റിസർച്ച് പ്രോജക്ട് ഏജൻസി എങ്ങനെ ക്യാൻസറിനെ തടയുന്നു, ചികിത്സിക്കുന്നു, കണ്ടെത്തുന്നു എന്നതിൽ അതിവേഗ പുരോഗതി കൈവരിക്കുന്നത് എങ്ങനെയെന്ന് തുലെയ്ൻ സർവകലാശാലയിൽ ബൈഡൻ സംസാരിക്കുമെന്ന് വൈറ്റ് ഹൗസ് വൃത്തങ്ങൾ അറിയിച്ചു.
ജനുവരിയിൽ അധികാരം വിടുന്നതിനുമുമ്പ്, അടുത്ത 25 വർഷത്തിനുള്ളിൽ യുഎസിലെ കാൻസർ മരണങ്ങൾ 50% കുറയ്ക്കാനും പരിചരിക്കുന്നവരുടെയും കാൻസർ ബാധിച്ചവരുടെയും ജീവിതം മെച്ചപ്പെടുത്തുന്നതിനും 2022-ൽ താൻ പ്രഖ്യാപിച്ച ലക്ഷ്യത്തിലേക്ക് യുഎസിനെ അടുപ്പിക്കുമെന്ന് ബൈഡൻ വ്യക്തമാക്കി.
ഹൃദ്രോഗം കഴിഞ്ഞാൽ യുഎസിൽ ഏറ്റവും കൂടുതൽ ആളുകളെ മരണപ്പെടുന്ന രണ്ടാമത്തെ രോഗമാണ് കാൻസർ. ഈ വർഷം മാത്രം, 2 ദശലക്ഷം പുതിയ കാൻസർ കേസുകൾ കണ്ടെത്തുമെന്നും 611,720 ആളുകൾ കാൻസർ രോഗങ്ങളാൽ മരിക്കുമെന്നും അമേരിക്കൻ കാൻസർ സൊസൈറ്റി കണക്കാക്കുന്നു.
Biden using his final months in office to promote ‘moonshot’
