ന്യൂഡൽഹി: ഹൗസ് പ്രോട്ടോക്കോളും നടപടികളും നിയന്ത്രിക്കുന്ന ഹോട്ട് സീറ്റ് ആയ ലോക്‌സഭാ സ്പീക്കർ സ്ഥാനത്ത് ആരെത്തും എന്നത് സംബന്ധിച്ച് ബിജെപിയും സഖ്യകക്ഷികളും ഇന്ന് വൈകുന്നേരം പ്രതിരോധ മന്ത്രി രാജ്‌നാഥ് സിംഗിൻ്റെ ഡൽഹിയിൽ വസതിയിൽ യോഗം ചേർന്നു. കേന്ദ്രമന്ത്രിമാരുടെയും ഭരണകക്ഷിയായ ബിജെപിയുടെ സഖ്യകക്ഷികളുടെയും യോഗത്തിന്റെ ഭാഗമായി. ആരെയാണ് സ്പീക്കറായി തിരഞ്ഞെടുത്തത് എന്ന വിവരം ഇതുവരെ പുറത്തുവിട്ടിട്ടില്ലെങ്കിലും, ആ പദവി ബിജെപി നിലനിർത്തുമെന്നാണ് വിവരം. എൻഡിഎ സഖ്യകക്ഷികളിലൊരാൾക്ക് ഡെപ്യൂട്ടി സ്പീക്കർ പദവി നൽകുമെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു. സാമ്പ്രദായികമായി എപ്പോഴും പ്രതിപക്ഷത്തേക്ക് പോകുന്ന ഡെപ്യൂട്ടി സ്പീക്കർ സ്ഥാനത്തിന് ഇന്ത്യ ബ്ലോക്കും അവകാശമുന്നയിച്ചിട്ടുണ്ട്.
കേന്ദ്രമന്ത്രിമാരായ പിയൂഷ് ഗോയൽ, ഭൂപേന്ദർ യാദവ്, മനോഹർ ലാൽ, ധർമേന്ദ്ര പ്രധാൻ, കിരൺ റിജിജു, എസ് ജയശങ്കർ, വീരേന്ദ്രകുമാർ, അന്നപൂർണാദേവി എന്നിവരും ഇന്നത്തെ യോഗത്തിൽ പങ്കെടുത്തു. കൂടാതെ എൻഡിഎ ഘടകകക്ഷികളിൽ നിന്നുള്ള ചില നേതാക്കളായ ജനതാദളിൻ്റെ (യുണൈറ്റഡ്) രാജീവ് രഞ്ജൻ സിംഗ്, ലോക് ജനശക്തി പാർട്ടിയുടെ (രാം വിലാസ്) ചിരാഗ് പാസ്വാൻ എന്നിവരും പങ്കെടുത്തു. രാജീവ് രഞ്ജൻ സിങ്ങും ചിരാഗ് പാസ്വാനും കേന്ദ്രസർക്കാരിലെ മന്ത്രിമാരാണ്.
18-ാം ലോക്‌സഭയുടെ ആദ്യ സമ്മേളനം ജൂൺ 24-ന് ആരംഭിക്കും. ഈ സമ്മേളനത്തിൽ പുതിയ അംഗങ്ങൾ സത്യപ്രതിജ്ഞ ചെയ്യും. ലോക്‌സഭാ സ്പീക്കറുടെ തിരഞ്ഞെടുപ്പ് ജൂൺ 26-ന് നടക്കും. ലോക്‌സഭാ സ്പീക്കറെ തിരഞ്ഞെടുക്കുന്നത് എംപിമാരുടെ വോട്ടിംഗിലൂടെയാണ്.
2014-ലെയും 2019-ലെയും തിരഞ്ഞെടുപ്പിന് ശേഷമുള്ള ഗംഭീര ഭൂരിപക്ഷത്തെ തുടർന്ന് സുമിത്ര മഹാജനെയും ഓം ബിർളയെയും ഈ സ്ഥാനത്തേക്ക് നാമനിർദ്ദേശം ചെയ്യുന്നതിൽ ബിജെപിക്ക് വെല്ലുവിളിയുണ്ടായിരുന്നില്ല. ഇത്തവണ പക്ഷേ അധികാരം നിലനിർത്താൻ ചന്ദ്രബാബു നായിഡുവിന്റെയും നിതീഷ് കുമാറിന്റെയും കാരുണ്യം സ്വീകരിക്കേണ്ടി വന്നതിനാൽ ഏകപക്ഷീയമായൊരു തീരുമാനം സാധ്യമാകില്ല.
