![](https://www.nrireporter.com/wp-content/uploads/2023/11/pinarayi-1.jpg)
ബോബ് നിർമ്മാണവുമായി ബന്ധപ്പെട്ട വിവാദം നിയമസഭയിൽ ചർച്ചയായതോടെ മറുപടിയുമായി മുഖ്യമന്ത്രി.സ്ഫോടക വസ്തുക്കളുടെ നിര്മ്മാണവും മറ്റും തടയുന്നതിന് ശക്തമായ നടപടികളും പരിശോധനയുമാണ് പൊലീസ് നടത്തിവരുന്നതെന്ന് മുഖ്യമന്ത്രി പിണറായി വിജയൻ പറഞ്ഞ്. ബോംബ് നിർമ്മാണം നടത്തുന്നവർക്കെതിരെ മുഖം നോക്കാതെ നടപടിയെടുക്കും. ആയുധങ്ങളുടെയും വെടിക്കോപ്പുകളുടെയും അനധികൃത നിര്മ്മാണവും ശേഖരണവും തടയുന്നതിനും കണ്ടെത്തുന്നതിനുമായി ക്വാറി ഉള്പ്പെടെയുള്ള സ്ഥലങ്ങളില് നിരന്തരം റെയ്ഡുകള് നടത്തി ആവശ്യമായ നിയമനടപടികള് സ്വീകരിച്ചു വരുന്നുണ്ടെന്നും മുഖ്യമന്ത്രി വ്യക്തമാക്കി.
ബോംബ് ഡിറ്റക്ഷന് ആന്റ് ഡിസ്പോസല് സ്ക്വാഡ്, ഡോഗ് സ്ക്വാഡ് എന്നിവയെ ഉള്പ്പെടുത്തി വ്യാപകമായ വാഹനപരിശോധനകളും പട്രോളിംഗും നടത്തിവരുന്നുവെന്നും മുഖ്യമന്ത്രി പറഞ്ഞു. നിയമസഭയിൽ സണ്ണി ജോസഫിൻ്റെ അടിയന്തരപ്രമേയത്തിനാണ് മുഖ്യമന്ത്രിയുടെ മറുപടി.
കണ്ണൂര് കുടക്കളം സ്വദേശി വേലായുധന് വീടിനു സമീപത്തെ ആളൊഴിഞ്ഞ പറമ്പില് നിന്നും കിട്ടിയ സ്റ്റീല് വസ്തു പരിശോധിക്കുന്നതിനിടെ പൊട്ടിത്തെറിച്ച് പരുക്കേറ്റ് മരണപ്പെട്ടത്തോടെയാണ് സംഭവം വലിയ ചർച്ചയായത്.