വയനാട്ടിൽ രാഹുൽ ഗാന്ധി? സുധാകരനും വേണുഗോപാലും മത്സരിക്കുമോ? ഖാർഗെ വിളിച്ച തെരഞ്ഞെടുപ്പ് സമിതി യോഗത്തിൽ തീരുമാനമാകും

ദില്ലി: സ്ഥാനാര്‍ത്ഥി പ്രഖ്യാപനത്തിന് മുന്നോടിയായുള്ള കോണ്‍ഗ്രസ് തെരഞ്ഞെടുപ്പ് സമിതി യോഗം മല്ലികാർജുൻ ഖാർഗെയുടെ അധ്യക്ഷതയിൽ വൈകീട്ട് 6 മണിക്ക് ചേരും. മുൻ ദേശീയ അധ്യക്ഷൻ രാഹുല്‍ ഗാന്ധിയും പങ്കെടുക്കും. ചര്‍ച്ചകള്‍ക്കായി കെ പി സി സി അധ്യക്ഷന്‍ കെ സുധാകരനും പ്രതിപക്ഷ നേതാവ് വി ഡി സതീശനും ദില്ലിയിലെത്തിയിട്ടുണ്ട്. മുൻ പ്രതിപക്ഷ നേതാവ് രമേശ് ചെന്നിത്തലയേയും ദില്ലിക്ക് വിളിപ്പിച്ചിട്ടുണ്ട്. വയനാട്ടില്‍ രാഹുല്‍ തന്നെയായിരിക്കും സ്ഥാനാർത്ഥിയെന്നാണ് ഏറ്റവും ഒടുവിൽ ലഭിക്കുന്ന വിവരം. കണ്ണൂരിൽ സുധാകരൻ മത്സരിപ്പിക്കണോമോ എന്നതിലും ആലപ്പുഴയിൽ കെ സി വേണുഗോപാലിനെ ഇറക്കണമോ എന്നതിലുമടക്കം തെരഞ്ഞെടുപ്പ് സമിതി യോഗത്തിൽ തീരുമാനമുണ്ടായേക്കും. ഇതിന് ശേഷം ആദ്യഘട്ട സ്ഥാനാർത്ഥി പട്ടിക ഇന്നോ നാളെയോ പ്രഖ്യാപിക്കുമെന്നാണ് പ്രതീക്ഷ. Congress election committee meeting today to finalise candidate list