അരിസോണ: എലികൾ പരത്തുന്ന ഹാൻ്റവൈറസ് നാല് പേരുടെ മരണത്തിന് കാരണമായതിനെ തുടർന്ന് അമേരിക്കയിലെ അരിസോണ സംസ്ഥാനത്ത് ആരോഗ്യകവകുപ്പ് ജാഗ്രതാ നിർദ്ദേശം പുറപ്പെടുവിച്ചു. എലികളുടെ മൂത്രത്തിൽ നിന്നോ ഉമിനീരിൽ നിന്നോ മലത്തിൽ നിന്നോ ഉള്ള ജലാംശം വഴിയാണ് വൈറസ് മനുഷ്യരിലേക്ക് പടരുന്നത്.
ഹാൻ്റവൈറസ് പൾമണറി സിൻഡ്രോം എന്നാണ് ഈ അസുഖത്തിന്റെ പേര്. ജനുവരി മുതൽ ജൂലൈ വരെ, അരിസോണ ഡിപ്പാർട്ട്‌മെൻ്റ് ഓഫ് ഹെൽത്ത് സർവീസസ് ഏഴ് കേസുകൾ റിപ്പോർട്ട് ചെയ്തിട്ടുണ്ട്. ഗുരുതരമായ ശ്വാസകോശ രോഗമാണിത്.
മാരകമായ ഈ വൈറസുമായി ബന്ധപ്പെട്ട രണ്ട് കേസുകൾ കാലിഫോർണിയയിലും റിപ്പോർട്ട് ചെയ്തിട്ടുണ്ട്. പനി, തലവേദന, പേശി വേദന തുടങ്ങിയാണ് രോഗത്തിന്റെ പ്രാരംഭ ലക്ഷണങ്ങൾ. വൈറസ് അതിവേഗം ശ്വാസതടസ്സത്തിലേക്ക് പടരും. ഹാൻ്റവൈറസ് ഒരാളിൽ നിന്ന് മറ്റൊരാളിലേക്ക് പടരുന്നില്ലെങ്കിലും, വിവിധ പ്രദേശങ്ങളിലായി പടർന്നു പിടിക്കാൻ സാധ്യതയുള്ള ഒന്നാണ്.
ക്ഷീണം, പനി, പേശിവേദന, തലവേദന, വിറയൽ, ഓക്കാനം, ഛർദ്ദി, വയറുവേദന എന്നിവയാണ് ഹാൻ്റവൈറസിൻ്റെ പ്രാരംഭ ലക്ഷണങ്ങൾ. തുടർന്ന് രോഗിയിൽ ചുമയും ശ്വാസതടസ്സവും ഉണ്ടാകുന്നു. രോഗം മൂർച്ഛിക്കുന്നതോടെ രക്തസമ്മർദ്ദം കുറയുകയും, ഷോക്ക് ഉണ്ടാകുകയും, രക്തക്കുഴലുകൾക്ക് ചോർച്ച സംഭവിക്കുയും, വൃക്ക തകരാറിലാകുകയും ചെയ്തേക്കാം. രോഗമുക്തിക്ക് ആഴ്ചകളോ മാസങ്ങളോ എടുത്തേക്കാം.
ഹാൻ്റവൈറസ് അണുബാധയ്ക്ക് പ്രത്യേക ചികിത്സയോ ചികിത്സയോ വാക്സിനോ ഇല്ലെന്ന് ആരോഗ്യവകുപ്പ് പറയുന്നു. രോഗം ബാധിച്ചവരെ നേരത്തെ തന്നെ തിരിച്ചറിയുകയും തീവ്രപരിചരണ വിഭാഗത്തിൽ വൈദ്യസഹായം നൽകുകയും ചെയ്താൽ, ആരോഗ്യനില മെച്ചപ്പേട്ടേക്കാം.
