കർണാടക ഉപമുഖ്യമന്ത്രി ഡി.കെ. ശിവകുമാർ ഫോമ കൺവൻഷനിൽ പങ്കെടുക്കും

തെന്നിന്ത്യയിലെ പ്രശസ്ത കോൺഗ്രസ് നേതാവും കർണാടക ഉപമുഖ്യമന്ത്രിയും പിസിസി  പ്രസിഡൻറുമായ  ഡി.കെ. ശിവകുമാർ അമേരിക്കൻ മലയാളികളുടെ സംഘടനയായ ഫോമയുടെ അന്താരാഷ്ട്ര സമ്മേളനത്തിൽ പങ്കെടുക്കാൻ എത്തും.

ഓഗസ്റ്റ് 8 മുതൽ 11 വരെ ഡൊമിനിക്കൻ റിപ്പബ്ലിക്കിലെ പുൻ്റാകാനയിലെ ബാർസലോ ബവാരോ പാലസ് റിസോർട്ടിലാണ് ഫോമ കൺവൻഷൻ. കൺവൻഷനിൽ കേരളത്തിൽ നിന്നുള്ള മന്ത്രിയും എംഎൽഎമാരും വിവിധ രാഷ്ട്രീയ നേതാക്കളും കലാ- സാംസ്കാരിക പ്രവർത്തകരും പങ്കെടുക്കും.

മലയാളികളുമായി നല്ല ബന്ധം പുലർത്തുന്ന അദ്ദേഹം ഏറെ താല്പര്യത്തോടെയയാണ് ക്ഷണം സ്വീകരിച്ചതെന്ന് ഫോമ ഭാരവാഹികൾ പറഞ്ഞു.

DK Shivkumar To Attend Foma Convention