ന്യൂഡൽഹി: അലാസ്ക എയർലൈൻസിന്റെ ബോയിംഗ് 737-9 മാക്‌സ് വിമാനം ടേക്ക് ഓഫ് ചെയ്ത് മിനിറ്റുകൾക്കുള്ളിൽ വാതിലിൻറെ ഒരു ഭാഗം തെറിച്ചു പോയതിനെ തുടർന്ന് എമർജൻസി ലാൻഡിങ് നടത്തി.
യാത്രക്കാർ എടുത്ത വീഡിയോകളിൽ മിഡ് ക്യാബിൻ എക്സിറ്റ് ഡോർ വിമാനത്തിൽ നിന്ന് പൂർണ്ണമായും വേർപെട്ടതായി കാണിക്കുന്നു.
“എഎസ് 1282 പോർട്ട്‌ലാൻഡിൽ നിന്ന് ഒന്റാറിയോ, സിഎ (കാലിഫോർണിയ) ലേക്ക് പുറപ്പെട്ടതിന് തൊട്ടുപിന്നാലെ ഒരു സംഭവം ഉണ്ടായി. വിമാനം 171 യാത്രക്കാരും 6 ക്രൂ അംഗങ്ങളുമായി പോർട്ട്‌ലാൻഡ് ഇന്റർനാഷണൽ എയർപോർട്ടിൽ സുരക്ഷിതമായി തിരിച്ചെത്തി. എന്താണ് സംഭവിച്ചതെന്ന് ഞങ്ങൾ അന്വേഷിക്കുന്നു, അത് ലഭ്യമാകുമ്പോൾ കൂടുതൽ വിവരങ്ങൾ പുറത്തുവിടും. ,” അലാസ്ക എയർലൈൻസ് എക്‌സിലെ ഒരു പോസ്റ്റിൽ പറഞ്ഞു.
യുഎസ് നാഷണൽ ട്രാൻസ്‌പോർട്ടേഷൻ സേഫ്റ്റി ബോർഡ് (എൻ‌ടി‌എസ്‌ബി) സംഭവത്തെക്കുറിച്ച് അന്വേഷിക്കുകയാണെന്ന് പറഞ്ഞു.
