വാഷിങ്ടൺ: ഓൺലൈനിൽ അപ്‌ലോഡ് ചെയ്യപ്പെടുന്ന വ്യാജ അശ്ലീല വീഡിയോകളുടെയും ചിത്രങ്ങളുടെയും എണ്ണത്തിൽ വർധനവിന് പിന്നാലെ ഇരകളെ സഹായിക്കാനും ഡീപ്ഫേക്കുകളുടെ പ്രാധാന്യം കുറയ്ക്കുന്നതിനുമായി ഗൂഗിൾ നടപടികൾ പ്രഖ്യാപിച്ചു. സമ്മതമില്ലാത്ത ലൈംഗികത പ്രദർശിപ്പിക്കുന്നതും ഡീപ് ഫേക്ക് വീഡിയോ ഉപയോഗിക്കുന്നതുമായ വെബ്സൈറ്റുകളെ തരംതാഴ്ത്താനുള്ള നടപടികൾ സ്വീകരിക്കുമെന്നും ഗൂഗിൾ അറിയിച്ചു.
ഡീപ് ഫേക്ക് വീഡിയോകൾ സ്ത്രീകളെയും പെൺകുട്ടികളെയും വ്യക്തികളെയും പ്രതികൂലമായി ബാധിക്കുന്നുവെന്നും ഗൂഗിൾ വിലയിരുത്തി. 2023-ൽ, മുൻ വർഷങ്ങളേക്കാൾ കൂടുതൽ സമ്മതമില്ലാത്ത ലൈംഗികത പ്രകടമാക്കുന്ന ഡീപ്ഫേക്കുകൾ ഓൺലൈനിൽ പോസ്റ്റ് ചെയ്യപ്പെട്ടിരുന്നു.
സമ്മതമില്ലാത്ത ലൈംഗികത പ്രകടമാക്കുന്ന ഡീപ്ഫേക്കുകൾ സൃഷ്ടിക്കാൻ ഉപയോഗിക്കുന്ന ടൂളുകളിലേക്കുള്ള ലിങ്കുകളും പ്ലാറ്റ്‌ഫോമിൽ ഉൾപ്പെടുത്തിയിട്ടുണ്ട്.
വ്യാജ ചിത്രങ്ങൾ നീക്കം ചെയ്യാൻ ഇരകൾ ആവശ്യപ്പെട്ടാൽ സെർച്ചിൽ നിന്ന് ഉള്ളടക്കം ഫിൽട്ടർ ചെയ്യുമെന്നും ഗൂഗിൾ വ്യക്തമാക്കി. നിലവിൽ, ഇരകൾ ഇമേജറി അടങ്ങിയ ഓരോ യൂആർഎല്ലും ഫ്ലാഗ് ചെയ്യണം. ചിത്രങ്ങൾ ഫ്ലാഗുചെയ്‌ത് നീക്കം ചെയ്‌തതിന് ശേഷം ഡീപ്‌ഫേക്ക് ചിത്രങ്ങളുടെ പകർപ്പുകൾ സ്‌കാൻ ചെയ്‌ത് നീക്കം ചെയ്യുമെന്നും ഗൂഗിൾ പറഞ്ഞു.
google announced new plan for explicit deep fake video
