കനത്ത മഴയെ തുടര്‍ന്ന് വടക്കന്‍ ചൈനയിലെ പാലം തകര്‍ന്ന് പതിനൊന്ന് പേര്‍ മരിച്ചു. സംസ്ഥാന വാര്‍ത്താ ഏജന്‍സിയായ സിന്‍ഹുവയാണ് വിവരം പുറത്തുവിട്ടത്. ഷാങ്സി പ്രവിശ്യയിലെ ഷാങ്ലുവോയിലെ പാലമാണ് വെള്ളിയാഴ്ച രാത്രി 8:40 ഓടെ തകര്‍ന്നുപോയത്. കനത്ത മഴയും പെട്ടന്നുണ്ടായ മഴയും വെള്ളപ്പൊക്കവുമാണ് പാലം തകരാന്‍ കാരണമെന്നാണ് റിപ്പോര്‍ട്ട്.
ശനിയാഴ്ച രാവിലെയും രക്ഷാപ്രവര്‍ത്തനം പുരോഗമിച്ചുകൊണ്ടിരിക്കുകയാണ്. ഇതുവരെ അഞ്ച് വാഹനങ്ങള്‍ വെള്ളത്തില്‍ നിന്ന് നീക്കിയിട്ടുണ്ട്. ചൊവ്വാഴ്ച മുതല്‍ വടക്കന്‍, മധ്യ ചൈനയുടെ മിക്ക ഭാഗങ്ങളിലും കനത്ത മഴയായിരുന്നു.
