ബെയ്റൂട്ട്: തെക്കന്‍ ലെബനനിലെ ഗ്രാമങ്ങള്‍ ലക്ഷ്യമിട്ട് ഇസ്രയേല്‍ നടത്തിയ ആക്രമണങ്ങള്‍ക്ക് പകരം ചോദിച്ച് ഹമാസിന്റെ സഖ്യകക്ഷിയായ ഹിസ്ബുള്ള. വടക്കന്‍ ഇസ്രായേലിലെ സൈനിക ആസ്ഥാനത്തേക്ക് ഡസന്‍ കണക്കിന് റോക്കറ്റുകള്‍ തൊടുത്തുവിട്ടതായി ഹിസ്ബുള്ള.
തിങ്കളാഴ്ച മൂന്ന് ഗ്രാമങ്ങളില്‍ ഇസ്രായേല്‍ ആക്രമണം നടത്തിയിരുന്നു. ഇതിന് പകരം വീട്ടിയാണ് ഹിസ്ബുള്ളയുടെ പ്രതികരണം.
ഇസ്രയേലിനെതിരായ ഹമാസിന്റെ ആക്രമണം ഗാസയില്‍ യുദ്ധത്തിന് തുടക്കമിട്ടത് മുതല്‍, ഇസ്രായേല്‍ സൈന്യവും ഇറാന്‍ പിന്തുണയുള്ള ഹിസ്ബുള്ളയും തമ്മില്‍ ദിവസേന അതിര്‍ത്തി കടന്നുള്ള വെടിവയ്പുകളിലേക്ക് കടന്നിട്ടുണ്ട്. മാത്രമല്ല, ഇസ്രയേല്‍-ഇറാന്‍ സംഘര്‍ഷം എക്കാലത്തെയും ഉയര്‍ന്ന നിലയിലായതോടെ, ലെബനന്‍ ഷിയ തീവ്രവാദി സംഘം അതിര്‍ത്തിക്കപ്പുറത്തുള്ള ഇസ്രായേല്‍ സൈനിക ലക്ഷ്യങ്ങള്‍ക്ക് നേരെ ആക്രമണം ശക്തമാക്കിയിട്ടുണ്ട്.
