ഒരു ദിവസം എത്ര ചായയും കാപ്പിയും കഴിയ്ക്കണമെന്ന നിർദേശവുമായി ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ). ചായയുടെയും കാപ്പിയുടെയും ഉപയോഗം പരിമിതപ്പെടുത്തണമെന്നും ഐസിഎംആർ നിർദേശിച്ചു. മെഡിക്കൽ ബോഡിയുടെ പുതിയ ഡയറ്ററി മാർഗ്ഗനിർദ്ദേശങ്ങൾ അനുസരിച്ച് ചായയും കാപ്പിയും അമിതമായി കഴിക്കുന്നത് ഒഴിവാക്കണം.
ചായയിലും കാപ്പിയിലും കേന്ദ്ര നാഡീവ്യവസ്ഥയെ ഉത്തേജിപ്പിക്കുകയും ശാരീരിക ആശ്രിതത്വത്തെ പ്രേരിപ്പിക്കുകയും ചെയ്യുന്ന കഫീൻ അടങ്ങിയിട്ടുണ്ടെന്നും 150 മില്ലി കപ്പ് ബ്രൂഡ് കോഫിയിൽ 80-120 മില്ലിഗ്രാം കഫീൻ അടങ്ങിയിട്ടുണ്ടെങ്കിലും ഇൻസ്റ്റൻ്റ് കോഫിയിൽ 50-65 മില്ലിഗ്രാമും ചായയിൽ 30-65 മില്ലിഗ്രാം അടങ്ങിയിരിക്കുന്നുവെന്നും പറയുന്നു. ദിവസേന 300 മില്ലിഗ്രാം കഫീൻ കഴിക്കാമെന്നും അതിൽ കൂടുതലാകരുതെന്നും ഐസിഎംആർ നിർദ്ദേശിച്ചു. ഭക്ഷണത്തിന് ഒരു മണിക്കൂർ മുമ്പും ശേഷവും ഈ പാനീയങ്ങൾ കഴിക്കരുതെന്നും ഇത് ഉപദേശിച്ചിട്ടുണ്ട്.
കോഫിയിലെയും ചായയിലെയും ടാന്നിൻ ശരീരത്തിലെ ഇരുമ്പിൻ്റെ ആഗിരണം കുറയ്ക്കുമെന്നും പറയുന്നു. ഇരുമ്പിൻ്റെ അപര്യാപ്തതയ്ക്കും അനീമിയ പോലുള്ള ആരോഗ്യപ്രശ്നങ്ങൾക്കും ഇടയാക്കും. അമിതമായ കാപ്പി ഉപഭോഗം ഉയർന്ന രക്തസമ്മർദ്ദത്തിനും ഹൃദയ ക്രമക്കേടുകൾക്കും കാരണമാകുമെന്നും പഠനത്തിൽ പറയുന്നു. അതേസമയം, പാലില്ലാതെ ചായ കുടിക്കുന്നത് മെച്ചപ്പെട്ട രക്തചംക്രമണം, കൊറോണറി ആർട്ടറി ഡിസീസ്, ആമാശയ ക്യാൻസർ എന്നിവയുടെ സാധ്യത കുറയ്ക്കുന്നത് പോലുള്ള വിവിധ ഗുണങ്ങളുണ്ടെന്നും പഠനത്തിൽ പറയുന്നു.
ICMR issues guidelines to limit tea, coffee intake
