ടൊറന്റോ: കാനഡയുടെ കഴിഞ്ഞ രണ്ടു തിരഞ്ഞെടുപ്പുകളിലും ഇന്ത്യ, ചൈന ഉൾപ്പെടെയുള്ള വിദേശ രാജ്യങ്ങളുടെ ഇടപെടൽ ഉണ്ടായി എന്ന ആരോപണം അന്വേഷിക്കുന്ന കമ്മീഷന്റെ റിപ്പോർട്ട് ഒരു മാസത്തിനുള്ളിൽ സമർപ്പിക്കും.
ക്യുബെക്ക് ജഡ്ജി മേരി-ജോസി ഹോഗിൻ്റെ നേതൃത്വത്തിലുള്ള അന്വേഷണ സംഘം, അടുത്ത മാസം ആദ്യ റിപ്പോർട്ട് സമർപ്പിക്കുന്നതിന് മുമ്പ് 40-ലധികം കമ്മ്യൂണിറ്റി അംഗങ്ങൾ, രാഷ്ട്രീയക്കാർ, ഫെഡറൽ തിരഞ്ഞെടുപ്പ് ഉദ്യോഗസ്ഥർ എന്നിവരിൽ നിന്ന് മൊഴിയെടുക്കും.
ബുധനാഴ്ച പ്രധാനമന്ത്രി ജസ്റ്റിൻ ട്രൂഡോയുടെ മൊഴിയെടുക്കും. അന്വേഷണത്തിന് മുമ്പ് ചോദ്യങ്ങൾക്ക് ഉത്തരം നൽകാൻ താൻ കാത്തിരിക്കുകയാണെന്ന് അദ്ദേഹം പറഞ്ഞു.
പ്രശ്നം കൈകാര്യം ചെയ്യാൻ സർക്കാർ വേണ്ടത്ര ശ്രമിക്കുന്നില്ല, രാജ്യം അതിൻ്റെ “ഫൈവ് ഐസ്” രഹസ്യാന്വേഷണ സഖ്യകക്ഷികളായ യുഎസ്, യുകെ, ഓസ്‌ട്രേലിയ, ന്യൂസിലാൻഡ് എന്നിവയെക്കാൾ പിന്നിലാണെന്ന് കാനഡയുടെ രഹസ്യാന്വേഷണ ഏജൻസി പറഞ്ഞു.
മൊഴപ്പകർപ്പിൽ നിന്നും ഭാഗികമായി സീൽ ചെയ്യാത്ത രഹസ്യ രേഖകളിൽ നിന്നും, 2019 ലും 2022 ലും കഴിഞ്ഞ രണ്ട് ഫെഡറൽ തെരഞ്ഞെടുപ്പുകളിൽ ചൈനയും മറ്റ് വിദേശ ഗവൺമെൻ്റുകളും ഇടപെടാൻ ശ്രമിച്ചതിന്റെ വഴികൾ മനസിലാക്കിയിട്ടുണ്ടെന്നാണ് റിപ്പോർട്ട്. അതേസമയം, തിരഞ്ഞെടുപ്പ് ഫലത്തെ ഇത് ബാധിച്ചതിന് തെളിവില്ല.
രണ്ട് തെരഞ്ഞെടുപ്പുകളിലും ചൈനീസ് സർക്കാർ ഇടപെട്ടുവെന്ന് ഏജൻസി ആരോപിച്ചു.
