ഹൂസ്റ്റൺ: ചിക്കാഗോ സെൻറ് തോമസ് സീറോ മലബാർ രൂപതയുടെ കീഴിലുള്ള ടെക്സാസ്-ഒക്ലഹോമ റീജിയനിലെ എട്ട് പാരീഷുകൾ പങ്കെടുക്കുന്ന ഇന്റർ പാരീഷ് സ്പോർട്സ് ഫെസ്റ്റ് (IPSF) ആരംഭിക്കുന്നു. മെയ് 25 മുതൽ 27 വരെ ഹൂസ്റ്റൺ സ്റ്റാഫോർഡ് സിറ്റി പാർക്കിൽ നടക്കുന്ന ക്രിക്കറ്റ് മത്സരങ്ങളോടെയാണ് സ്പോർട്സ് ഫെസ്റ്റിന് തുടക്കം.
2024 ഓഗസ്ററ് ഒന്ന് മുതൽ നാല് വരെ പതിനേഴ് ക്യാറ്റഗറികളിലെ മറ്റു മത്സരങ്ങൾ ഫോർട്ട് ബെൻഡ് എപിസെൻ്റെറിൽ നടക്കുന്നതായിരിക്കും. ഈ കായിക മാമാങ്കത്തിൽ 1700 ഓളം കായിക താരങ്ങളെയും 5000 കാണികളെയും പ്രതീക്ഷിക്കുന്നു.
പരിപാടിയുടെ സ്പോൺസേഴ്‌സ്:
ഇവന്റ് സ്പോൺസർ: ജിബി പാറക്കൽ, പിഎസ്‌ജി ഗ്രൂപ്പ് ആണ് മുഖ്യ സ്പോൺസർ. മറ്റു പ്രമുഖ സ്‌പോൺസർമാർ: കെംപ്ലാസ്ററ് Inc (ഗ്രാന്റ് സ്പോൺസർ), ജെയിംസ് ഒലൂട്ട് നേതൃത്വം നൽകുന്ന ഹൂസ്റ്റൺ മോർട്ടഗേജ് (പ്ലാറ്റിനം സ്പോൺസർ ), അനീഷ് സൈമൺ നേതൃത്വം നൽകുന്ന ഫോർസൈറ്റ് ഡെവലപ്പേഴ്സ് LLC (ഗോൾഡ് സ്പോൺസർ) തുടങ്ങിയവർ.
IPSF 2024 ന് ആതിഥേയത്വം വഹിക്കുന്ന ഹൂസ്റ്റൺ സെൻറ് ജോസഫ് ഫൊറോനാ ഇടവകയിൽ ഫാമിലി നൈറ്റ് സംഘടിപ്പിച്ചു. ഫൊറോനാ വികാരി ഫാ. ജോണിക്കുട്ടി ജോർജ് പുലിശ്ശേരി, അസിസ്റ്റന്റ് വികാരി ഫാ.ജോർജ് പാറയിൽ എന്നിവരുടെ നേതൃത്വത്തിൽ IPSF 2024 ലെ എല്ലാ സ്പോൺസർമാരേയും ചടങ്ങിൽ സംഘാടകർ ആദരിച്ചു.
പങ്കെടുക്കുന്ന പള്ളികൾ
സെൻ്റ് അൽഫോൻസ സീറോ മലബാർ കാത്തലിക് ചർച്ച് ഓസ്റ്റിൻ
സെൻ്റ് തോമസ് സീറോ മലബാർ കാത്തലിക് ചർച്ച്, സാൻ അൻ്റോണിയോ
ഡിവൈൻ മേഴ്‌സി കാത്തലിക് ചർച്ച്, എഡിൻബർഗ്
സെൻ്റ് ജോസഫ് സീറോ മലബാർ കാത്തലിക് ചർച്ച്, ഹൂസ്റ്റൺ
സെൻ്റ് തോമസ് സീറോ മലബാർ കാത്തലിക് ചർച്ച്, ഗാർലൻഡ്
ഹോളി ഫാമിലി സീറോ മലബാർ കാത്തലിക് ചർച്ച്, ഒക്ലഹോമ
സെൻ്റ് അൽഫോൻസ സീറോ മലബാർ കാത്തലിക് ചർച്ച്, കൊപ്പേൽ
സെൻ്റ് മേരീസ് സീറോ മലബാർ കാത്തലിക് ചർച്ച് പെയർലാൻഡ്
