ടെൽഅവീവ്: വടക്കൻ ഗസയിൽ ങ്കളാഴ്ച നടന്ന സൈനികനീക്കത്തിനിടെ ഇസ്രായേൽ റിസർവ് സൈനിക കമാൻഡർ ഇറ്റാമർ ലെവിൻ ഫ്രിഡ്മാൻ (34) കൊല്ലപ്പെട്ടതായി റിപ്പോർട്ട്. ചെങ്കടൽ റിസോർട്ട് നഗരത്തെ ഹമാസ് ആക്രമണങ്ങളിൽ നിന്ന് സംരക്ഷിക്കാൻ ചുമതലപ്പെടുത്തിയ എലൈറ്റ് സ്ക്വാഡായ ലോട്ടർ എലാറ്റ് യൂനിറ്റിന്റെ ഭാഗമായിരുന്നു ഇയാൾ.
ഹമാസിനെതിരെയുള്ള ആക്രമണത്തിനിടെയായിരുന്നു മരണം. മിസൈൽ ആക്രമണത്തിൽ ടാങ്കിന് തീപിടിച്ച് പരിക്കേൽക്കുകയായിരുന്നു. അതേസമയം, ആരാണ് ആക്രമണം നടത്തിയതെന്ന വിവരം സൈന്യം പുറത്തുവിട്ടിട്ടില്ല.
