ന്യൂഡല്‍ഹി: കിഴക്കന്‍ ലബനനില്‍ ഇസ്രയേല്‍ നടത്തിയ ബോംബാക്രമണത്തില്‍ 40 പേര്‍ മരിച്ചു. ബാല്‍ബെക്ക് നഗരത്തിലെ ആക്രമണത്തില്‍ അന്‍പതിലധികം പേര്‍ക്ക് പരിക്കേറ്റതായും വിവരമുണ്ട്. ബെയ്‌റൂട്ട് രാജ്യാന്തര വിമാനത്താവളത്തിനടുത്തും ഇസ്രയേല്‍ ആക്രമണം നടന്നു. വിവിധ പ്രദേശങ്ങളില്‍ ആക്രമണം തുടരുകയാണ്.
ഇന്ന് പുലര്‍ച്ചെ നാലു തവണ ആക്രമണമുണ്ടായതായാണ് രാജ്യാന്തര മാധ്യമങ്ങള്‍ റിപ്പോര്‍ട്ട് ചെയ്യുന്നത്. ഇക്കാര്യം ലബനന്‍ ആരോഗ്യ മന്ത്രാലയവും സ്ഥിരീകരിച്ചിട്ടുമുണ്ട്.
