ന്യൂയോർക്ക്: അമേരിക്കൻ പ്രസിഡൻ്റ് തിരഞ്ഞെടുപ്പിൽ ചരിത്ര വിജയം നേടിയ ഡോണൾഡ് ട്രംപിനെ അഭിനന്ദിച്ച് ബോളിവുഡ് നടി കങ്കണ റണാവത്ത് രംഗത്ത്. താനൊരു അമേരിക്കക്കാരിയായിരുന്നെങ്കിൽ ട്രംപിന് വോട്ട് ചെയ്യുമായിരുന്നുവെന്നാണ് അവർ ഇൻസ്റ്റഗ്രാമിൽ കുറിച്ചത്. തിരഞ്ഞെടുപ്പ് പ്രചാരണത്തിനിടെയുണ്ടായ വധശ്രമത്തിൽ ട്രംപിന് പരിക്കേറ്റിരുന്നു. ആ സമയത്തുള്ള ഫോട്ടോയും കുറിപ്പിനോടൊപ്പം കങ്കണ പങ്കുവെച്ചിട്ടുണ്ട്. ‘വെടിയേറ്റിട്ടും അത് അവഗണിച്ച് പ്രസംഗം തുടർന്ന ധീരതക്ക് ഞാൻ വോട്ട് ചെയ്യും’- എന്നാണ് കങ്കണ കുറിച്ചത്.
