ന്യൂഡല്‍ഹി: ചൈനീസ് വിസ അഴിമതിയുമായി ബന്ധപ്പെട്ട കള്ളപ്പണം വെളുപ്പിക്കല്‍ കേസില്‍ കോണ്‍ഗ്രസ് നേതാവ് കാര്‍ത്തി ചിദംബരത്തിന് ഡല്‍ഹി കോടതി ജാമ്യം നല്‍കി.
2011ല്‍ കാര്‍ത്തിയുടെ പിതാവ് പി. ചിദംബരം കേന്ദ്ര ആഭ്യന്തര മന്ത്രിയായിരിക്കെ 263 ചൈനീസ് പൗരന്മാര്‍ക്ക് വിസ അനുവദിച്ചതുമായി ബന്ധപ്പെട്ടാണ് അഴിമതി കേസ്. കാര്‍ത്തി ചിദംബരത്തിനെതിരെ എന്ഫോഴ്സ്മെന്റ് ഡയറക്ടറേറ്റ് കള്ളപ്പണം വെളുപ്പിക്കല്‍ കേസ് രജിസ്റ്റര്‍ ചെയ്തിട്ടുണ്ട്.
എന്ഫോഴ്സ്മെന്റ് ഡയറക്ടറേറ്റിന്റെയും സിബിഐയുടെയും പ്രത്യേക ജഡ്ജി കാവേരി ബവേജ പ്രതികള്‍ക്കെതിരെ പുറപ്പെടുവിച്ച സമന്‍സ് അനുസരിച്ച്, പ്രതികള്‍ കോടതിയില്‍ ഹാജരായതിന് ശേഷമാണ് ഇളവ് അനുവദിച്ചത്.
