![](https://www.nrireporter.com/wp-content/uploads/2024/07/IMG_20240705_105749_820_x_450_pixel.jpg)
കോഴിക്കോട്: കോഴിക്കോട് ഓടിക്കൊണ്ടിരുന്ന കെ എസ് ആര് ടി സി ബസിന്റെ ടയറിന് തീപിടിച്ചത് പരിഭ്രാന്തി പടർത്തിയെങ്കിലും അപകടം ഒഴിവായി. ഇന്ന് രാവിലെ 8 മണിയോടെയയായിരുന്നു സംഭവം. മുക്കം പൊലീസ് സ്റ്റേഷന് സമീപത്ത് വെച്ചാണ് അപകടം ഉണ്ടായത്. താമരശ്ശേരിയില് നിന്നും എറണാകുളം ഭാഗത്തേക്ക് പോകുകയായിരുന്ന ബസിന്റെ ടയറിനാണ് തീപിടിച്ചത്.
ഡ്രൈവറുടെ വശത്തുള്ള പുറകിലെ ടയറില് നിന്ന് പുക ഉയരുന്നത് കണ്ട് പെട്ടെന്ന് ബസ് നിര്ത്തുകയായിരുന്നു. അഗ്നിരക്ഷാസേനയും മുക്കം പൊലീസും സ്ഥലത്തെത്തി തീയണച്ചു. യാത്രക്കാര് എല്ലാവരും സുരക്ഷിതരാണെന്ന് അധികൃതര് അറിയിച്ചു. തീപിടിക്കാനിടയായ സാഹചര്യം എന്താണെന്ന് അന്വേഷിക്കുകയാണ്.