അര്‍ജന്റീന ടീമിന്റെ സൗഹൃദ മത്സരത്തില്‍ ലയണല്‍ മെസ്സി പങ്കെടുക്കുമെന്ന് കായിക മന്ത്രി വി അബ്ദുറഹിമാന്‍ അറിയിച്ചു. മലപ്പുറത്തെ സ്റ്റേഡിയത്തില്‍ ഉദ്ഘാടന മത്സരം നടത്താനാണ് ആലോചനയെന്നും മന്ത്രി പറഞ്ഞു. മലപ്പുറത്ത് ഫുട്‌ബോള്‍ കളിക്കാന്‍ സാക്ഷാല്‍ ലയണല്‍ മെസ്സി വരുന്നുവെന്ന വാര്‍ത്ത ഫുട്‌ബോള്‍ പ്രേമികള്‍ ആവേശത്തോടെയാണ് ഏറ്റെടുത്തിരിക്കുന്നത്.
ഫുട്‌ബോള്‍ പരിശീലനത്തിന് അര്‍ജന്റീനയുമായി ദീര്‍ഘകാല കരാറില്‍ ഏര്‍പ്പെടാനും ധാരണയായിട്ടുണ്ട്. കേരളത്തിലേക്ക് അടുത്ത വര്‍ഷമാണ് ലയണല്‍ മെസി അടങ്ങുന്ന അര്‍ജന്റീനയുടെ താരനിര എത്തുക. ഈ വര്‍ഷം ജൂണില്‍ വരാനാണ് ആദ്യം തീരുമാനിച്ചിരുന്നതെങ്കിലും ആ സമയത്തെ കാലാവസ്ഥ അനുകൂലമല്ലാത്തതിനാല്‍ മത്സരം മാറ്റി വെക്കുകയായിരുന്നു. നിലവിലെ തീരുമാന പ്രകാരം 2025 ഒക്ടോബറില്‍ മെസിയും സംഘവും കേരളത്തിലെത്തും.
Tags:
