ദമാം: സൗദിയിൽ മലയാളി ദമ്പതികൾ മരിച്ച നിലയിൽ. ദമാം അൽകോബാർ തുഖ്ബയിൽ കൊല്ലം സ്വദേശികളായ യുവദമ്പതികളെയാണ് മരിച്ച മരിച്ച നിലയിൽ കണ്ടെത്തി. കൊല്ലം ത്രിക്കരുവ സ്വദേശി അനൂപ് മോഹന്‍ (37) ഭാര്യ രമ്യമോള്‍ (28) എന്നിവരാണ് മരിച്ചത്. അനൂപ് മോഹനനെ തൂങ്ങി മരിച്ച നിലയിലും രമ്യയെ കിടക്കയിൽ മരിച്ച നിലയിലുമാണ് കണ്ടെത്തിയത്. ഇവരുടെ അഞ്ചു വയസ്സുള്ള മകളുടെ കരച്ചില്‍ കേട്ട അയല്‍വാസികളാണ് മൃതദേഹങ്ങൾ കണ്ടത്.
ശ്വാസം മുട്ടിച്ചു ഈ കുഞ്ഞിന്റെ ജീവനെടുക്കാനും ശ്രമം നടത്തിയതായി സൂചനയുണ്ട്. കഴിഞ്ഞ മൂന്നു ദിവസമായി അമ്മ ഒന്നും മിണ്ടാതെ കിടക്കുകയായിരുന്നുവെന്നാണ് കുട്ടി പറഞ്ഞത്. രമ്യയുടെ മരണം നേരത്തെ നടന്നിരിക്കാമെന്നാണ് പൊലീസ് കരുതുന്നത്. പോസ്റ്റ്‌ മോര്‍ട്ടത്തിനു ശേഷം മാത്രമേ സ്ഥിരീകരിക്കാനാകൂ.
Malayali couple found dead in Dammam
