ചരിത്ര വിജയം തന്നെയാണ് അമേരിക്കന്‍ മണ്ണില്‍ ടി 20 ലോകകപ്പ് ഉയര്‍ത്തിക്കൊണ്ട് ഇന്ത്യ നേടിയത്. അവസാന നിമിഷം വരെ ഏവരെയും മുള്‍മുനയില്‍ നിര്‍ത്തിയ പോരാട്ടം. എന്തൊരു രാവ്, എന്തൊരു തിരിച്ചുവരവ്, എന്നായിരുന്നു ഇന്ത്യന്‍ ടീമിന്റെ വിജയത്തെ കുറിച്ച് നടന്‍ മമ്മൂട്ടിയുടെ പ്രതികരണം. ഇന്ത്യന്‍ ടീം അംഗങ്ങള്‍ക്ക് മമ്മൂട്ടി അഭിനന്ദനങ്ങളും അറിയിച്ചു.
ഇന്ത്യന്‍ ടീമിന്റെ വിജയം അഭിമാനകരമാണെന്നായിരുന്നു നടന്‍ മോഹന്‍ ലാലിന്റെയും പ്രതികരണം. ഇതോടെ ഐ.സി.സി ട്രോഫിക്കായുള്ള ഇന്ത്യയുടെ പതിനൊന്ന് വര്‍ഷത്തെ കാത്തിരിപ്പ് അവസാനിക്കുന്നു. ടീം വര്‍ക്കിന്റെ മഹത്തായ വിജയമെന്നും മോഹന്‍ലാല്‍ ഫേസ് ബുക്കില്‍ കുറിച്ചു.
Mammootty and Mohallal reactions to India World Cup win
