ശ്രീനഗര്‍: ലോക്സഭാ തിരഞ്ഞെടുപ്പിലെ ആറാം ഘട്ട വോട്ടെടുപ്പ് പുരോഗമിക്കുന്നതിനിടെ പിഡിപി മേധാവിയും അനന്ത്നാഗ്-രജൗരി ലോക്സഭാ മണ്ഡലത്തിലെ സ്ഥാനാര്‍ത്ഥിയുമായ മെഹബൂബ മുഫ്തി അനന്ത്‌നാഗില്‍ പ്രതിഷേധ പ്രകടനം നടത്തി. അനന്ത്നാഗ്-രജൗരി സീറ്റില്‍ ഇവിഎമ്മില്‍ കൃത്രിമം നടന്നതായി അവര്‍ പയുന്നു, മാത്രമല്ല, പിഡിപി പ്രവര്‍ത്തകരെയും പോളിംഗ് ഏജന്റുമാരെയും പൂട്ടിയിട്ടെന്നും ആരോപണിച്ചു. തന്റെ പ്രവര്‍ത്തകരെ അറസ്റ്റ് ചെയ്തതിനെതിരെയും അധികാരികള്‍ തിരഞ്ഞെടുപ്പില്‍ കൃത്രിമം കാട്ടിയെന്നും ആരോപിച്ചാണ് പ്രതിഷേധവുമായി എത്തിയത്‌.
പിഡിപി പോളിംഗ് ഏജന്റുമാരെയും പ്രവര്‍ത്തകരെയും അകാരണമായി തടങ്കലില്‍ വച്ചിരിക്കുകയാണെന്ന് അവര്‍ അവകാശപ്പെടുന്നു. തെരഞ്ഞെടുപ്പ് പ്രക്രിയയില്‍ കൃത്രിമം കാണിക്കാനുള്ള നഗ്‌നമായ ശ്രമമാണ് ഒറ്റരാത്രികൊണ്ട് നടക്കുന്നതെന്ന് അവര്‍ ഉറപ്പിച്ചു പറയുന്നു.
പ്രതിഷേധത്തിനിടയില്‍, സുരക്ഷാ ഉദ്യോഗസ്ഥര്‍ അവരെ വളയുകയും പ്രദേശത്ത് നിന്ന് സ്ഥലം മാറ്റാന്‍ ശ്രമിക്കുകയും ചെയ്തു. ആറാം ഘട്ട വോട്ടെടുപ്പില്‍ ജമ്മു കശ്മീരിലെ അനന്ത്നാഗ്-രജൗരി ലോക്സഭാ മണ്ഡലത്തില്‍ വോട്ടെടുപ്പ് ആരംഭിച്ച സാഹചര്യത്തിലാണ് പ്രശ്‌നങ്ങള്‍ ഉടലെടുത്തത്.
