തെക്കൻ ഗാസ നഗരമായ റഫയിൽ ഇസ്രയേലിന്റെ ആക്രമണം രൂക്ഷമാകുമ്പോൾ റഫയിലെ ജനങ്ങൾക്ക് പിന്തുണയുമായി ലോകം. ‘എല്ലാ കണ്ണുകളും റഫയിലേക്ക്’ എന്നാവശ്യപ്പെട്ട് ലോകത്തിന്റെ ശ്രദ്ധ റഫയിലേക്ക് ക്ഷണിക്കുന്ന ഒരു എഐ ജനറേറ്റഡ് ഇമേജാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ‘ഓള്‍ ഐസ് ഓണ്‍ റഫ’ എന്നെഴുതിയ അഭയാര്‍ത്ഥി കൂടാര ക്യാമ്പുകളുടെ ചിത്രമാണ് ഇത്.
പതിനഞ്ച് ലക്ഷത്തോളം പലസ്തീനികള്‍ അഭയം തേടുന്ന റഫയില്‍ നടന്നുകൊണ്ടിരിക്കുന്ന വംശഹത്യയെ സൂചിപ്പിക്കുകയാണ് ഈ വാക്യം. ലോകാരോഗ്യ സംഘടനയുടെ ഓഫീസ് ഡയറക്ടര്‍ റിക്ക് പീപ്പര്‍കോണില്‍ നിന്നാണ് ‘ഓള്‍ ഐസ് ഓണ്‍ റഫ’ എന്ന വാക്കുകള്‍ ഉണ്ടാകുന്നത്.
ഈ വാക്കുകള്‍ കുറിച്ച ചിത്രം ട്രെന്‍ഡിങ്ങായത് ഇതിനോടകം 45 മില്യണിലധികം ആളുകൾ പങ്കുവച്ചു. ഇത്രനാള്‍ പലസ്തീനിന് വേണ്ടി സംസാരിക്കാത്ത ആളുകള്‍ പോലും ഈ ക്യാമ്പയിനിന്റെ ഭാഗമാകുന്നുണ്ട്. ഒപ്പം സോഷ്യൽ മീഡി പ്ലാറ്റ്ഫോമായ എക്‌സിലും ഈ ഹാഷ് ടാഗ് ട്രെന്‍ഡിങ്ങാണ്. മലയാളികള്‍ ഉള്‍പ്പെടെയുള്ള നിരവധി ഇന്ത്യന്‍ സെലിബ്രിറ്റികളും പോസ്റ്റുകള്‍ പങ്കുവെച്ചിട്ടുണ്ട്.
നിഖില വിമല്‍, കാളിദാസ് ജയറാം, സൗബിന്‍ ഷാഹിര്‍, സുപ്രിയ മേനോന്‍, റിമ കല്ലുങ്കല്‍, അന്ന ബെന്‍, നിരഞ്ജന, തന്‍വി റാം, മണികണ്ഠന്‍ ആചാരി, മീര നന്ദന്‍, മൃദുല, അനുമോള്‍, നിമിഷ സജയന്‍, കീര്‍ത്തി സുരേഷ്, രാജേഷ് മാധവന്‍, ബേസില്‍ ജോസഫ്, നൈല ഉഷ, ഭാവന, ദുല്‍ഖര്‍ സല്‍മാന്‍, പാര്‍വതി, രമ്യ നമ്പീശന്‍, ഷെയിന്‍ നിഗം, അനാര്‍ക്കലി, ഗൗരി കിഷന്‍, അനുപമ, ഷറഫുദ്ധീന്‍, അശ്വതി ശ്രീകാന്ത്, റോഷ്ന റോയ്, മഖ്ബൂല്‍ സല്‍മാന്‍, നീരജ് മാധവ്, ആഷിഖ് അബു തുടങ്ങിയ നിരവധി മലയാളി താരങ്ങളും പ്രകാശ് രാജ്, ദിയ മിര്‍സ, ഗൗഹര്‍ ഖാന്‍, ഫാത്തിമ സന ഷെയ്ഖ്, രാധിക ആപ്തെ, ആമി ജാക്സണ്‍, ആലിയ ഭട്ട്, പ്രിയങ്ക ചോപ്ര, കരീന കപൂര്‍, രശ്മിക മന്ദാന, സൊനാക്ഷി സിന്‍ഹ, റിച്ച ഛദ്ദ, ഹണി സിങ്ങ്, വരുണ്‍ ധവാന്‍, അറ്റ്ലി, വിജയ് വര്‍മ, തൃപ്തി ദിമ്രി, ഹിന ഖാന്‍, സാമന്ത, സ്വര ഭാസ്‌കര്‍, നോറ ഫത്തേഹി, ദിയ മിര്‍സ, സോനം കപൂര്‍ തുടങ്ങി മറ്റു സെലിബ്രിറ്റികളും സ്പോര്‍ട്സ് താരങ്ങളും ഇതിന്റെ ഭാഗമായിട്ടുണ്ട്.
