ന്യൂയോർക്ക്: ലോകത്തിലെ ഏറ്റവും ശക്തരായ 100 വ്യവസായികളുടെ ഫോർച്യൂണ്‍ പട്ടികയില്‍ ഇടം പിടിച്ച് റിലയൻസ് ഇൻഡസ്ട്രീസ് ലിമിറ്റഡിൻ്റെ ചെയർമാനും മാനേജിംഗ് ഡയറക്ടറുമായ മുകേഷ് അംബാനി. ടെസ്‌ല സിഇഒ ഇലോണ്‍ മസ്‌കാണ് പട്ടികയില്‍ ഒന്നാമത്.
ഇന്ത്യൻ വംശജരായ ടെക് ഭീമന്മാരും പട്ടികയില്‍ ഇടംപിടിച്ചിട്ടുണ്ട്. ആഗോള ബിസിനസ് രംഗത്തെ പട്ടികയില്‍ അംബാനി 12-ാം സ്ഥാനത്താണ്. മൈക്രോസോഫ്റ്റിൻ്റെ ചെയർമാനും സിഇഒയുമായ സത്യ നാദെല്ല, ഗൂഗിള്‍ സിഇഒ സുന്ദർ പിച്ചൈ, അഡോബ് സിഇഒ ശന്തനു നാരായണ്‍, വെഞ്ച്വർ ക്യാപിറ്റലിസ്റ്റ് വിനോദ് ഖോസ്‌ല, ഇഎല്‍എഫ്. എന്നിവരുള്‍പ്പെടെ ആറ് ഇന്ത്യൻ വംശജരായ പ്രമുഖരും പട്ടികയിലുണ്ട്.
കോസ്‌മെറ്റിക്‌സിൻ്റെ സിഇഒ താരാഗ് അമീൻ, യൂട്യൂബ് സിഇഒ നീല്‍ മോഹൻ എന്നിവരും പട്ടികയില്‍ ഇടംപിടിച്ചിട്ടുണ്ട്. 30 മുതല്‍ 90 വയസു വരെ പ്രായമുള്ള സ്ഥാപകർ, സിഇഒമാർ, ഇനോവേറ്റർമാർ, എന്നിവരുള്‍പ്പെടെ 40 വ്യവസായങ്ങളില്‍ നിന്നുള്ള നേതാക്കള്‍ എന്നിവരെയാണ് ഫോർച്യൂണ്‍ പട്ടികയില്‍ ഉള്‍പ്പെടുത്തുക.
Mukesh Ambani include fortune list
