രണ്ട് തവണ ഒളിമ്പിക്സ് മെഡല്‍ ജേതാവായ പിആര്‍ ശ്രീജേഷ് ജൂനിയര്‍ ഹോക്കി ടീമിന്റെ മുഖ്യ പരിശീലകനാകും. ഹോക്കി ഇന്ത്യ സെക്രട്ടറി ജനറല്‍ ഭോല നാഥ് സിംഗാണ് ഇത് സംബന്ധിച്ച പ്രഖ്യാപനം നടത്തിയത്.
ഒളിമ്പിക്‌സിന് ഇറങ്ങും മുമ്പ് വിരമിക്കല്‍ പ്രഖ്യാപിച്ച ഗോള്‍കീപ്പര്‍ ശ്രീജേഷിനെക്കുറിച്ച് പ്രതികരിച്ച ഹോക്കി ഇന്ത്യ, ഇതിഹാസം മറ്റൊരു ഐതിഹാസിക നീക്കത്തിലേക്ക് എന്നാണ് ഇന്‍സ്റ്റഗ്രാമില്‍ കുറിച്ചത്.
പാരീസ് ഒളിമ്പിക്സ് ഹോക്കിയില്‍ ഇന്ത്യന്‍ ഹോക്കി ടീം വെങ്കല മെഡല്‍ നേടിയതിനു പിന്നാലെയാണ് പ്രഖ്യാപനം. ശ്രീജേഷിന്റെ മിന്നും ഗോള്‍ക്കീപ്പിങ് മികവിലാണ് ഇന്ത്യ വെങ്കലമണിഞ്ഞത്.
Tags:
