![](https://www.nrireporter.com/wp-content/uploads/2024/03/pathanamthitta-accident.jpg)
അടൂർ: പത്തനംതിട്ട ജില്ലയിലെ അടൂർ കെ.പി റോഡിൽ കാര് കണ്ടെയ്നര് ലോറിയുമായി ഇടിച്ച് രണ്ട് പേര് മരിച്ചു. നൂറനാട് സ്വദേശിനി അനുജ(37), ചാരുംമൂട് സ്വദേശി ഹാഷിം എന്നിവരാണ് മരിച്ചത്.
കെ.പി.റോഡില് പട്ടാഴി മുക്കിനു സമീപത്തായിരുന്നു അപകടം. വ്യാഴാഴ്ച രാത്രി 11:15 ഓടെയാണ് അപകടമുണ്ടായത്. മരിച്ച രണ്ടുപേരും കാര് യാത്രികരാണ്.
തുമ്പമണ് നോര്ത്ത് ജിഎച്ച്എസ്എസിലെ അധ്യാപികയാണ് നൂറനാട് സ്വദേശിയായ അനുജ. ഹാഷിം ചാരുംമൂട് സ്വദേശിയാണ്. അപകടത്തില് പൂര്ണമായും തകര്ന്ന കാര് വെട്ടിപ്പൊളിച്ചാണ് രണ്ട് പേരെയും പുറത്തെടുത്തത്.