ജോണിക്കുട്ടി പിള്ളവീട്ടില്‍
അന്റോണി‌യോ: ജൂലൈ 4 മുതൽ 7 വരെ സാൻ അൻ്റോണിയോയിൽ നടക്കുന്ന പതിനഞ്ചാമത് കെസിസിഎൻഎ കൺവെൻഷൻ്റെ ഘോഷയാത്ര കമ്മിറ്റി ചെയർപേഴ്സണായിപോൾസൺ കുളങ്ങരയെ തെരഞ്ഞെ‌‌ടുത്തു. ഡൊമിനിക് ചാക്കോണൽ (അറ്റ്ലാൻ്റ), ബെറ്റി പതിയിൽ (ഹൂസ്റ്റൺ), റോണി വാണിയപ്പുരക്കൽ (സാൻ അൻ്റോണിയോ) എന്നിവരെ കമ്മിറ്റിയുടെ സഹ അധ്യക്ഷന്മാരായി തെരഞ്ഞെഞ്ഞെടുത്തു. കെ.സി.സി.എന്‍.എ ദേശീയ കണ്‍വെന്‍ഷനെ വര്‍ണവിസ്മയങ്ങള്‍ കൊണ്ട് അലങ്കൃതമാക്കുന്ന ഘോഷയാത്രയാകും ഇത്തവണ നടക്കുക. ക്നാനായ കൂട്ടായ്മയുടെ പാരമ്പര്യവും പൈതൃകവും ഒപ്പം ജന്മനാടിന്റെ എല്ലാ ആവേശവും നെഞ്ചേറ്റിയാകും ഘോഷയാത്ര എന്ന് ഭാരവാഹികള്‍ അറിയിച്ചു.
പോൾസൺ കുളങ്ങര കെസിഎസ് ചിക്കാഗോ യൂണിറ്റിലെ ദീർഘകാല അംഗമാണ്. കൂടാതെ ന്യൂജേഴ്‌സിയിൽ നടന്ന കെസിസിഎൻഎ കൺവെൻഷൻ്റെ ബോർഡ് ചെയർമാനായും കലാസാഹിത്യ സമിതി അധ്യക്ഷനായും കൾച്ചറൽ കമ്മിറ്റി കോ-ചെയർമാനായും വിവിധ തലങ്ങളിൽ ചിക്കാഗോ ക്നാനായ സമൂഹത്തിൽ പ്രവർത്തിച്ചു. ഫോമയുടെ ക്യുച്ചറൽ അഫയേഴ്സ് കമ്മിറ്റിയുടെ നിലവിലെ കോ-ചെയർ കൂടിയാണ് അദ്ദേഹം. ഡൊമിനിക് ചാക്കോണൽ ഞങ്ങളുടെ കെസിഎജി അറ്റ്ലാൻ്റ യൂണിറ്റിൻ്റെ നിലവിലെ പ്രസിഡൻ്റാണ്. കൂടാതെ അറ്റ്ലാൻ്റ ക്നാനായ സമൂഹത്തിന് വിവിധ തലങ്ങളിൽ സേവനം ചെയ്തു. മലയാളി അസോസിയേഷൻ ഓഫ് ഗ്രേറ്റർ അറ്റ്ലാൻ്റയുടെ പ്രസിഡൻ്റായും സേവനമനുഷ്ഠിച്ചു.
ഹൂസ്റ്റണിൽ നിന്നുള്ള ബെറ്റി പത്തിയിൽ കഴിഞ്ഞ 30 വർഷമായി ഹൂസ്റ്റൺ ക്നാനായ സമൂഹത്തിൻ്റെ അവിഭാജ്യ ഘടകമാണ്. ഹൂസ്റ്റൺ സമൂഹത്തിലെ വിവിധ സാംസ്കാരിക പരിപാടികളിൽ സജീവമായി പങ്കെടുത്തിട്ടുണ്ട്. റോണി വാണിയപ്പുരയ്ക്കൽ ഹോസ്റ്റിംഗ് സാൻ അൻ്റോണിയോ ക്നാനായ യൂണിറ്റിൻ്റെ മുൻ പ്രസിഡൻ്റാണ്. സാൻ അൻ്റോണിയോ കമ്മ്യൂണിറ്റിയിലെ സജീവ അംഗമാണ്.
Paulson Kulangara elected as kccna procession
