ചെന്നൈ: തമിഴ്നാട്ടിലെ നാമക്കലിൽ ഗർഭച്ഛിദ്രത്തിന് മരുന്നുകഴിച്ച പ്ലസ്ടു വിദ്യാർഥിനി മരിച്ചു. തിരുച്ചെങ്കോട് പരുത്തിപ്പള്ളി സ്വദേശിനിയായ 17 വയസ്സുകാരിയാണ് മരിച്ചത്. സംഭവത്തിൽ അരവിന്ദ് (23) എന്ന യുവാവിനെ പൊലീസ് അറസ്റ്റുചെയ്തു.
ഇരുവരും തമ്മിൽ അടുപ്പമുണ്ടായിരുന്നു. ഗർഭമലസിപ്പിക്കാൻ മരുന്നുകഴിച്ചപ്പോൾ അമിതരക്തസ്രാവമുണ്ടാവുകയും പെൺകുട്ടിയുടെ നില ഗുരുതരമാവുകയും ചെയ്തു. സേലം സർക്കാർ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
അന്വേഷണത്തിനൊടുവിൽ എലച്ചിപ്പാളയം പൊലീസ് അരവിന്ദിന്റെ പേരിൽ പോക്സോനിയമപ്രകാരം കേസെടുത്ത് അറസ്റ്റുചെയ്തു.
plus 2 student died after taking medicine for Abortion, lover arrested
