പൂക്കോട്: പൂക്കോട് വെറ്റിനറി സര്‍വകലാശാലയിലെ വിദ്യാർഥി സിദ്ധാർഥിന്‍റെ മരണവുമായി ബന്ധപ്പെട്ട് പൊലീസ് ആദ്യ അറസ്റ്റ് രേഖപ്പെടുത്തി. സിദ്ധാർഥിന്‍റെ മരണവുമായി ബന്ധപ്പെട്ട കേസിൽ 6 പേരുടെ അറസ്റ്റാണ് പൊലീസ് രേഖപ്പെടുത്തിയത്. ഇന്ന് രാവിലെ ചോദ്യംചെയ്യാൻ വിളിപ്പിച്ച 6 പേരെയാണ് പൊലീസ് അറസ്റ്റ് ചെയ്തത്. എട്ട് പേരെയാണ് കേസുമായി ബന്ധപ്പെട്ട് പൊലീസ് ചോദ്യം ചെയ്യാനായി വിളിപ്പിച്ചത്. ഇതിൽ അറസ്റ്റിലായ 6 പേർക്കും സംഭവത്തിൽ പങ്കുണ്ടെന്ന് ചോദ്യംചെയ്യലിൽ വ്യക്തമായെന്ന് പൊലീസ് പറഞ്ഞു. ഇതോടെയാണ് ഈ ആറുപേരെയും അറസ്റ്റ് ചെയ്തത്. കുറ്റക്കാരല്ലെന്ന് ബോധ്യപ്പെട്ട രണ്ടുപേരെ വിട്ടയച്ചതായും പൊലീസ് വ്യക്തമാക്കി. അറസ്റ്റിലായ പ്രതികളുടെ വിവരങ്ങളും പൊലീസ് പുറത്തുവിട്ടു. അറസ്റ്റിലായവർ 1 ബിൽഗേറ്റ് ജോഷ്വാ സുൽത്താൻബത്തേരി സ്വദേശി 2 അഭിഷേക് എസ് ഇടുക്കി സ്വദേശി 3 ആകാശ് എസ് ഡി കൊഞ്ചിറവിള തിരുവനന്തപുരം 4 ഡോൺസ് ഡായി തൊഴുപുഴ സ്വദേശി 5 രഹൻ ബിനോയ് തിരുവനന്തപുരം സ്വദേശി 6 ശ്രീഹരി ആർ ഡി തിരുവനന്തപുരം സ്വദേശി.
pookode veterinary student siddharth death case 6 arrested in kalpetta
