ന്യൂഡൽഹി: യു.എൻ. ജനറൽ അസംബ്ലി പ്രസിഡന്റ് ഡെന്നിസ് ഫ്രാൻസിസ് ഇന്ത്യയിൽ സന്ദർശനം നടത്തും. ജനുവരി 22 മുതൽ 26 വരെയാണ് അദ്ദേഹം ഇന്ത്യയിൽ സന്ദർശനം നടത്തുന്നത്. ജനറൽ അസംബ്ലിയുടെ പ്രസിഡന്റായതിന് ശേഷം അദ്ദേഹം നടത്തുന്ന ആദ്യ ഔദ്യോഗിക ഇന്ത്യ സന്ദർശനമാണ്.
റിപ്പബ്ലിക് ദിനത്തിൽ മുഖ്യാതിഥിയായി ഫ്രഞ്ച് പ്രസിഡന്റ് ഇമാനുവൽ മാക്രോണിന്റെ ന്യൂഡൽഹി സന്ദർശനത്തോടൊപ്പമാണ് ഡെനിസിന്റെയും സന്ദർശനം. NAM യോഗത്തിനായി നിലവിൽ അദ്ദേഹം ഉഗാണ്ടയിലാണ്. ഇന്ത്യൻ വിദേശകാര്യമന്ത്രി എസ്.ജയശങ്കരിന്റെ ക്ഷണത്തിന് ശേഷമാണ് ഡെന്നിസിന്റെ ഇന്ത്യ സന്ദർശനം.
ഇസ്രായേൽ ഹാമാസ് യുദ്ധം, യുക്രൈൻ- റഷ്യ സംഘർഷം തുടങ്ങിയ ആഗോള വിഷയങ്ങൾ ഡെന്നിസിന്റെ സന്ദർശനത്തിൽ ചർച്ചയാകാനാണ് സാധ്യതയുണ്ടാണ് റിപ്പോർട്ട്.