വാഷിങ്ടൺ/ന്യൂഡൽഹി: ഇന്ത്യയിൽ മതസ്വാതന്ത്ര്യം കുറയുകയാണെന്ന് യു.എസ്. സർക്കാരിന്റെ അന്താരാഷ്ട്ര മതസ്വാതന്ത്ര്യ കമ്മിഷൻ (USCIRF). സർക്കാരുദ്യോഗസ്ഥരുടെ വിദ്വേഷപ്രസംഗ ഉൾപ്പെടെയുള്ള തെറ്റായ വിവരപ്രചാരണങ്ങൾ മതന്യൂനപക്ഷങ്ങൾക്കുനേരേയുള്ള ആക്രമണത്തിന് ഇടയാക്കുന്നുവെന്ന് റിപ്പോർട്ടിലുണ്ട്.
USCIRF, അതിൻ്റെ 2024-ലെ വാർഷിക റിപ്പോർട്ടിൽ, “കഠിനമായ മതസ്വാതന്ത്ര്യ ലംഘനങ്ങളിൽ ഏർപ്പെട്ടതിന്” ഇന്ത്യയെ “പ്രത്യേക ഉത്കണ്ഠയുള്ള രാജ്യമായി” പ്രഖ്യാപിക്കാൻ യുഎസ് സ്റ്റേറ്റ് ഡിപ്പാർട്ട്മെൻ്റിന് ശുപാർശ ചെയ്തിരുന്നു.
വാഷിംഗ്ടൺ ഡിസി ആസ്ഥാനമായുള്ള യു.എസ്. ഫെഡറൽ ഗവൺമെൻ്റ് ഏജൻസിയായ USCIRF, ” ഇന്ത്യയിലെ തകർന്നുകൊണ്ടിരിക്കുന്ന മതസ്വാതന്ത്ര്യ സാഹചര്യങ്ങൾ” എന്ന വിഷയത്തിലെ അപ്‌ഡേറ്റാണ് പുറത്തിറക്കിയിരിക്കുന്നത്. മുൻപും ഇവർ സമാന റിപ്പോർട്ടുകൾ നൽകിയിട്ടുണ്ട്.
ഇന്ത്യയിലെ മതസ്വാതന്ത്ര്യം 2024-ൽ ഉടനീളം വഷളായിക്കൊണ്ടിരിക്കുകയാണ്, പ്രത്യേകിച്ചും രാജ്യത്തിൻ്റെ ദേശീയ തിരഞ്ഞെടുപ്പിന് മുമ്പും തൊട്ടുപിന്നാലെയും മാസങ്ങളിൽ” എന്ന് റിപ്പോർട്ട് ഉയർത്തിക്കാട്ടുന്നു.
USCIRF പക്ഷപാതിത്വമുള്ളതും രാഷ്ട്രീയ അജൻഡയോടെ പ്രവർത്തിക്കുന്നതുമായ സംഘടനയാണെന്നു പറഞ്ഞ് റിപ്പോർട്ട് ഇന്ത്യ തള്ളിക്കളഞ്ഞു. യു.എസിലെ മനുഷ്യാവകാശപ്രശ്നങ്ങൾ മനസ്സിലാക്കാൻ USCIRF സമയം ചെലവിടണമെന്ന് വിദേശകാര്യമന്ത്രാലയ വക്താവ് രൺധീർ ജയ്‌സ്വാൾ പറഞ്ഞു.
religious freedom violations is Concerning says The USCIRF India rejects report
