ശബരിമല: ശബരിമല, മാളികപ്പുറം മേല്‍ശാന്തിമാരെ തിരഞ്ഞെടുത്തു. ശബരിമല മേല്‍ശാന്തിയായി എസ് അരുണ്‍കുമാര്‍ നമ്പൂതിരിയേയും മാളികപ്പുറം മേല്‍ശാന്തിയായി വാസുദേവന്‍ നമ്പൂതിരിയേയുമാണ് തിരഞ്ഞെടുത്തത്. രാവിലെ ഉഷ:പൂജയ്ക്ക് ശേഷം ആയിരുന്നു നറുക്കെടുപ്പ് നടന്നത്. പന്തളം രാജകൊട്ടാരം പ്രതിനിധികളായ ഋഷികേഷ് വര്‍മ്മയാണ് ശബരിമല മേല്‍ശാന്തിയെ തിരഞ്ഞെടുത്തത്. പന്തളം കൊട്ടാരത്തിലെ ഇളമുറക്കാരി വൈഷ്ണവി എന്ന കുട്ടിയാണ് മാളികപ്പുറം മേല്‍ശാന്തിയെ നറുക്കെടുപ്പിലൂടെ കണ്ടെത്തിയത്.
കൊല്ലം ശക്തികുളങ്ങര സ്വദേശിയാണ് എസ് അരുണ്‍ കുമാര്‍ നമ്പൂതിരി. ആറ്റുകാല്‍ മുന്‍ മേല്‍ശാന്തിയാണ് ഇദ്ദേഹം. വാസുദേവന്‍ നമ്പൂതിരി കോഴിക്കോട് സ്വദേശിയാണ്. 15 പേര്‍ മാളികപ്പുറം മേല്‍ശാന്തി ലിസ്റ്റില്‍ ഉള്‍പ്പെട്ടിരുന്നു.
Tags:
