പത്തനംതിട്ട: ശബരിമലയില്‍ ഭക്തജനത്തിരക്കേറുന്നു. ഇന്ന് രാവിലെ നട തുറന്ന 3 മണി മുതല്‍ 6 മണി വരെ 19583 പേര്‍ മല ചവിട്ടിയെന്ന് കണക്കുകള്‍ വ്യക്തമാക്കുന്നു. ഈ വര്‍ഷം ഇതുവരെയുള്ള കണക്കുകള്‍ പ്രകാരം ഏറ്റവും കൂടുതല്‍ തീര്‍ത്ഥാടകര്‍ എത്തിയത് ഇന്നലെയായിരുന്നു. ഇന്നലെ മാത്രം ദര്‍ശനം നടത്തിയത് 77,026 തീര്‍ത്ഥാടകരാണ്. ഇന്നും നാളെയും മറ്റന്നാളും അവധിദിനങ്ങളായതിനാല്‍ തിരക്കേറാനാണ് സാധ്യത.
സ്പോട്ട് ബുക്കിങ്ങിലൂടെ ഏറ്റവും കൂടുതല്‍ പേര്‍ ദര്‍ശനം നടത്തിയതും ഇന്നലെയായിരുന്നു, 9254 പേരാണ് സ്പോട് ബുക്കിംഗിലൂടെ ദര്‍ശനം നടത്തിയത്. ആദ്യ ഒരാഴ്ചകൊണ്ട് 451097 ലക്ഷം തീര്‍ത്ഥാടകര്‍ ദര്‍ശനം നടത്തി.
Tags:
