ഇൻഡ്യാനപൊളിസ്: ഇന്ത്യനാപൊളിസ് ഡൗണ്ടൗണിൽ ശനിയാഴ്ച രാത്രി നടന്ന വെടിവയ്പ്പിൽ 12 നും 17 നും ഇടയിൽ പ്രായമുള്ള ഏഴ് കുട്ടികൾക്ക് പരിക്കേറ്റു. രാത്രി 11.30ഓടെ സർക്കിൾ സെൻ്റർ മാളിന് സമീപം വെടിയൊച്ച കേട്ടപ്പോൾ പൊലീസ് ഉദ്യോഗസ്ഥർ പട്രോളിംഗ് നടത്തുകയായിരുന്നുവെന്ന് ഇന്ത്യാനപൊളിസ് മെട്രോപൊളിറ്റൻ പൊലീസ് ഡിപ്പാർട്ട്‌മെൻ്റ് ഡെപ്യൂട്ടി ചീഫ് തന്യ ടെറി പറഞ്ഞു. പരിക്കേറ്റ കുട്ടികളെ പൊലീസ് ഉടൻ ആശുപത്രിയിൽ പ്രവേശിപ്പിച്ചു.
ഇൻഡ്യാനപൊളിസിൽ മാർച്ചാ മാസത്തിലെ മൂന്നാമത്തെ വെടിവെപ്പ് സംഭവമാണ് നടന്നത്. മാർച്ച് 16ന് ഒരു ബാറിലുണ്ടായ വെടിവെപ്പിൽ ഒരാൾ കൊല്ലപ്പെടുകയും അഞ്ച് പേർക്ക് പരിക്കേൽക്കുകയും ചെയ്തിരുന്നു. ഈസ്റ്റ് സൈഡ് ബാറിൽ നടന്ന മറ്റൊരു വെടിവയ്പ്പിൽ ഒരാൾ കൊല്ലപ്പെടുകയും പൊലീസ് ഓഫീസർ ഉൾപ്പെടെ അഞ്ച് പേർക്ക് പരിക്കേൽക്കുകയും ചെയ്തു.
കഴിഞ്ഞ വെടിവെപ്പിൽ ആരെയും കസ്റ്റഡിയിൽ എടുത്തിട്ടില്ല. എന്താണ് വെടിവയ്പ്പിലേക്ക് നയിച്ചതെന്നും എത്ര പ്രതികൾ സംഭവത്തിൽ ഉൾപ്പെട്ടിട്ടുണ്ടെന്നും വ്യക്തമല്ല. എന്നാൽ സംഭവസ്ഥലത്ത് നിന്ന് ലഭിച്ച തെളിവുകളുടെ അടിസ്ഥാനത്തിൽ ഒന്നിലധികം തോക്കുകൾ വെടിവയ്പ്പിന് ഉപയോഗിച്ചതായി പൊലീസ് കരുതുന്നു.
Seven minors injured after downtown Indianapolis shooting
