ലോസ് ഏഞ്ചല്‍സ്: പുതുവര്‍ഷപ്പുലരിയില്‍ ലോസ് ഏഞ്ചല്‍സ് കൗണ്ടി ഷോപ്പിംഗ് മാളിന് സമീപം ഉണ്ടായ വെടിവയ്പില്‍ ഒരാള്‍ കൊല്ലപ്പെട്ടു. നാല് പേര്‍ക്ക് പരിക്കേറ്റതായും പോലീസ് അറിയിച്ചു.
ഹത്തോണ്‍ നഗരത്തില്‍ തിങ്കളാഴ്ച അര്‍ദ്ധരാത്രിയാണ് വെടിവയ്പുണ്ടായതെന്ന് ലോസ് ഏഞ്ചല്‍സ് ഷെരീഫ് ഡിപ്പാര്‍ട്ട്മെന്റ് അറിയിച്ചു. സംഭവമറിഞ്ഞ് സ്ഥലത്തെത്തിയ ഉദ്യോഗസ്ഥര്‍ വെടിയേറ്റ നിലയില്‍ കണ്ടെത്തിയ ഒരു യുവാവിനെ പ്രദേശിക ആശുപത്രിയില്‍ പ്രവേശിപ്പിച്ചു.
വെടിവയ്പ്പില്‍ പരിക്കേറ്റ നാല് പേരെ സംഭവസ്ഥലത്തുനിന്നും പിന്നീട് കണ്ടെത്തിയ ഉദ്യോഗസ്ഥര്‍ ഇവരെയും ആശുപത്രിയിലേക്ക് മാറ്റി. ഇരകളെ പ്രാദേശിക ആശുപത്രിയിലേക്ക് കൊണ്ടുപോയി, അവിടെ വച്ച് ഒരു സ്ത്രീ മരിച്ചതായി ഷെരീഫിന്റെ ഓഫീസ് അറിയിച്ചു. അതേസമയം, പരിക്കേറ്റവരില്‍ മൂന്ന് പേരുടെ നില ഗുരുതരമാണെന്നും റിപ്പോര്‍ട്ടുണ്ട്.
